USD
АСТАНА. 1 ақпан. Парламент Мәжілісінің төрағасы болып Ерлан Қошанов сайланды. Бұл туралы rast.kz хабарлады.
Бүгін осыған байланысты Мәжілістің кезектен тыс отырысы болып өтті.
Парламент Мәжілісін 2016-2019 жылдар аралығында, сосын 2021 жылғы 15 қаңтардан бері басқарып келген Нұрлан Нығматуллин өз өтінішімен қызметінен босады.
Ерлан Жақсылықұлы Қошанов 1962 жылы 14 тамызда Жезқазған облысында (қазіргі – Қарағанды) туған.
Білімі:
1984 ж. – Қарағанды политехникалық институты;
1999 ж. – Қазақ мемлекеттік басқару академиясы.
Еңбек жолы:
Оны «Жезқазғантүстіметалл» ҒӨБ байыту фабрикасының слесарі, шебері болып бастаған.
1988-1990 жж. – ҚЛКЖО Жезқазған облыстық комитетінің нұсқаушысы, бөлім меңгерушісі.
1990-1995 жж. – Жезқазған облыстық сыртқы-экономикалық байланыс комитетінің жетекші, бас маманы, бөлім бастығы, төрағаның орынбасары, төрағасы.
1995 ж. – Жезқазған облыстық сыртқы-экономикалық байланыс комитетінің төрағасы.
1995-1999 жж. – Парламент Сенатының депутаты.
1999-2001 жж. – Қазақстан Республикасы Парламентіндегі Үкімет өкілі.
2001-2003 жж. – Премьер-Министр Кеңсесі басшысының орынбасары – Қазақстан Республикасы Парламентіндегі Үкімет өкілі.
2003-2006 жж. – Көлік және коммуникация вице-министрі.
2006-2007 жж. – Көлік және коммуникация министрлігі азаматтық авиация комитетінің төрағасы.
2007-2012 жж. – Премьер-Министр Кеңсесі басшысының орынбасары – Үкіметтің Парламент Мәжілісіндегі өкілі.
2012 жылдың 2 ақпанынан – 2017 жылдың 14 наурызына дейін – ҚР Премьер-Министрі Кеңсесі басшысы.
2017 жылдың 14 наурызынан – 2019 жылдың 18 қыркүйегіне дейін Қарағанды облысының әкімі болып тағайындалды, 2019 жылдың 17 маусымында осы лауазымға қайта тағайындалды.
2019 жылдың 18 қыркүйегінен бастап Қазақстан Республикасы Президенті Әкімшілігінің басшысы болып қызмет атқарды.
Мемлекеттік наградалары:
«Парасат», «Құрмет» ордендері, мерейтойлық медальдар.
