USD
БРЮССЕЛЬ. 9 маусым. Еуропа одағы Ресей басқыншылары сапында Украинамен соғысқа қатысқандарды өзіне қарасты мемлекеттерге кіруге тыйым салады. Бұл туралы «Настоящее время» ақпарына сүйенген rast.kz хабарлайды.
Еурокомиссияның басшысы Урсула фон дер Лейен 9 маусым күні Ресейге қарсы 21-ші санкциялар пакетінің жобасын ұсынды.
Еурокомиссия соның ішінде Украинаға жаппай басып кіруге қатысушылар үшін ЕО елдеріне келуге толық тыйым салуды ұсынады.
Украинаға қарсы соғысқа қатысушылардан басқа, санкциялар тізіміне Ресейдің «көлеңкелі флотының» тағы 30 кемесін қосу, 31 банктің транзакцияларына тыйым салу, сондай-ақ әртүрлі автомобиль бөлшектері мен балық өнімдерін импорттауға тыйым салу кіріп қалулары кәдік.
Энергетика саласында ЕО Ресей мұнайының ең жоғары белдеуін барреліне 44,1 доллар деңгейінде қатырып тастауды ұсынады (қазіргі ережелерге сәйкес, бұл төбе әлемдік мұнай бағасының өсуіне байланысты көп ұзамай көтерілуі керек еді). Мұны ЕО сыртқы саясат ведомствосының басшысы Кая Каллас хабарлады. Сондай-ақ, санкцияларды айналып өтуге қарсы, оның ішінде үшінші елдердің компанияларына қатысты шаралар күтілуде.
Еуропа одағы Ресей азаматтарына Шенген визаларын беру ережелерін күшейтеді.
Өткен аптада Politico Еуропа одағы санкцияларының 21 пакеті «Лукойл» және «Роснефть» компанияларына қарсы шараларды қамтитынын жазды. Қазір ЕО-да «Роснефтьке» қатысты мәмілелерге тыйым салынды, ал бұған дейін «Лукойлға» қарсы санкциялар оның еншілес компанияларына ғана әсер етті.
ЕО бұған дейін жаңа санкциялар пакеті маусым айының ортасында мақұлдануы мүмкін деп мәлімдеген. Венгриядағы сайлауда Виктор Орбан жеңілгеннен кейін, бұл ел пакетті мақұлдауды бұрынғыдай бұғаттамайды деп күтілуде.
