USD
УАШИНГТОН. 1 мамыр. АҚШ президенті Дональд Трамп Украинаға әскери көмек беруді 2027 қаржы жылына арналған қорғаныс бюджеті жобасынан алдырып тастады. Бұл туралы The Moscow Times ақпарына сүйенген rast.kz хабарлайды.
АҚШ президенті Дональд Трамптың әкімшілігі 2027 қаржы жылына арналған қорғаныс бюджеті жобасында кауіпсіздік көмек бастамасы (USAI) бағдарламасын қарастырмаған болып шықты. Мұның жайы АҚШ Сенаты қарулы күштер комитетінің тыңдауларында белгілі болды. Онда сенаторлар Пентагон өкілдерінен алдағы жылы USAI-ге қаражат берілмейтіні рас па, деп тікелей сұрақ қойды. «Иә, бұл рас. Бюджетте USAI бағдарламасын қаржыландыруы жоқ», деп жауап берді бұған АҚШ соғыс департаменті қаржы басшысының міндетін атқарушы Жюль Херст.
Бұған қоса, Құрама Штаттардың 2027 жылға арналған қорғаныс шығындарының жалпы көлемі шамамен 1,5 трлн долларды құрайды, бұл қазіргі деңгейден 50% мөлшерінде жоғары, рекордтық көрсеткіш болып тұр. Бюджеттің соңғы шешімі Конгресте қаралады, ол құжатқа өзгерістер енгізе алады. Қорытынды нұсқасы күзде, 1 қазанға дейін, жаңа қаржы жылы басталады деп күтілуде.
USAI бағдарламасы 2016 жылдан бері жұмыс істейді және Киевтің негізгі әскери қолдау арналарының бірі болып табылады, бұл Пентагонға әуе күштеріне қару-жарақ пен техникаға тікелей өндірушілерден тапсырыс беруге мүмкіндік береді.
АҚШ-тың Украинаға әскери қолдауы 2014 жылғы Ресей агрессиясынан кейін күшейе бастады. Ал Кремль басқыншылары украин жеріне толық басып кіргеннен кейін бұл елге әртүрлі бағдарламалар бойынша берілетін көмектің жалпы көлемі 60 миллиард доллардан асты. Алайда 2025 жылы Трамптың Ақ үйге оралуымен жаңа пакеттерді бөлу іс жүзінде тоқтады (тек Джо Байденнің бұрын мақұлдаған қаражаты бойынша жеткізілімдер жалғасты). Тек демократтардың қысымымен 2025 және 2026 жылдарға арналған бюджеттерге тек символдық сомалар бірнеше жүз миллион доллар ғана енгізілді.
