Жаңалықтар жаңғырығыҚайнар

Өзбекстан Таулы Қарабақта мектеп үйін салады

ТАШКЕНТ. 14 сәуір. Өзбекстан Таулы Қарабақта бір мектеп салып береді, ол республиканың әзербайжан халқына жасаған сыйлығы болмақ. Бұл туралы saf.uz хабарлады.

«Қорабоғда мактаб қуриш тўғрисида келишув мавжуд бўлиб, у озарбайжон халқига Ўзбекистондан туҳфа сифатида топширилади», – делінген хабарламада.

Өзбекстанның АОКА директоры Асаджон Ходжаев Түркі кеңесі делегациясы құрамында Әзербайжанның Агдам қаласында болған сапары кезінде осыны айтты.

Ходжаев Таулы Қарабақ қақтығысының әзербайжан жеріне үлкен қайғы-қасірет және ойраншылық әкелгенін, ал қазір Әзербайжанның өз дамуының жаңа кезеңіне қадам басып жатқанын, азат етілген аудандарда инфрақұрылымдар салу және өңірді қалпына келтіру жөнінде көптеген жұмыстардың қолға алынғанын атап өтті.

«Бұл жерде бір мешіттен басқасының барлығы дерлік қиратылған екен, енді әлем қауымдастығы бұған назар аударуы керек», – деді ол.

Агенттік директорының айтуынша, Түркі кеңесі мемлекеттері Әзербайжанның азат етілген аймақтарын қалпына келтіруге және оларда құрылыс салуға белсене қатысады, ал Өзбекстан мұнда инфрақұрылымның дамуына өз көмегін ұсынды.

«Қазіргі таңда біз қалпына келтіру процесіне қатысатын нысандардың тізімін анықтап жатырмыз. Менің білуімше, Әзербайжан халқына Өзбекстанның сыйлығы ретінде ұсынылатын мектеп салу туралы келісім де бар». – деді агенттік райысы.

Тағы көрсету

Пікір қалдыру

Ұқсас мақалалар

Back to top button