USD
ТАШКЕНТ. 9 желтоқсан. Биылғы жылдың қаңтары мен қарашасы аралығында Ресейден 211 мигранттың өлі денесі жеткізілді. Бұл туралы CentralAsia.uz хабарлады.
Өзбекстан ақпарат және бұқаралық коммуникация агенттігінде өткен баспасөз мәслихатында Еңбекпен қамту және еңбек қатынастары министрінің орынбасары Баходир Умрзақов осындай мәлімет келтірген.
«2020 жылы шет елдерден 211 өзбекстандықтың денесі мемлекеттің есебінен әкелініп, жерлеу рәсімдері өткізілді. Олардың отбасыларына қаржылай көмек берілді», – деді министрдің орынбасары.
Баходир Умрзақов Ресейде мигранттардың қандай себептермен қаза тапқандарын ашып айтқан жоқ.
Ресейдегі өзбек гастербайтерлері көп жағдайда қайғылы оқиғалардың салдарынан қаза тауып жатады. Бұлардың арасында құрылыста орын алатын апаттар, өрт оқиғалары мен ұлтшылдардың шабуылдары бар.
