Шахназаров Арменияның жеңілісі туралы ойын айтты
МӘСКЕУ. 12 қараша. Тегі армян ресейлік танымал режиссер Карен Шахназаров Арменияның Қарабақтағы жеңілісі жайлы өзінің пікірін білдірді. Бұл туралы «Вестник Кавказа» хабарлады.
«Арменияның Әзербайжаннан әскерін шығаруға апарып жеткізген Қарабақтағы жеңілісі кез келген мәселені тек бейбіт жолмен шешу қажеттігін бүкіл Оңтүстік Кавказға білдірген үлкен сабақ болды», – деді «Мосфильмнің» бас директоры YouTube-арнасындағы «Соловьев LIVE»-та ВГТРК радиохолдингі директорының саяси бағдарламалар жөніндегі кеңесшісі Георгий Саралидземен сұхбатында.
Шахназаров өз кезегінде Армения соғыстың қайта басталып кетпеуі үшін өз саясатын өзгертуі керек еді дегенді айтты. «Мен бұдан бұрын ымырагершілік табу керек екенін, Әзербайжанның территориялық тұтастығы проблемасын мойындау керек екенін, Қарабақ армяндарының өмір сүрулері мен сақталуы проблемасы бар екенін, мәселені осылар тұрғысынан шешу керектігін айтқанмын. Меніңше, армян қоғамының саяси элитасы жағдайды дұрыс бағалай білмеген сияқты: егер осы керексіз соғыс басталып кетпегенде, қазіргіден гөрі әлдеқандай жақсы позицияда проблеманы бейбіт жолмен талқылап, оңды шешіп алуға болатын еді», – деді Шахназаров.
Соғыстың тоқтатылуы, дегенге назар аударды режиссер, көптеген адамның өмірлерін сақтап қалды. «Атыстың тоқтатылуының өзі қандай жақсы. Мойындау керек, Әзербайжан армиясы сөзсіз әскери артықшылықтарға ие болды… Әзербайжан бұл жолы әлдеқайда күшті болып шықты. Бұл келісім Қарабақ армяндарын да, Арменияны да сақтап қалады. Жеңіліс қашанда адамға ауыр тиеді, бірақ Оңтүстік Кавказда ұзақ уақытқа созылатын бейбітшілік орнатуға ұмтылу керек, өйткені, Әзербайжан да, Армения да мұндағы дамудың кепілі. Армения мен Таулы Қарабақтың жастарын бұл қанды қырғынға салмағандарының өзі дұрыс болды. Айтқандай, қаза тапқандардың негізгі бөлігін қарабақтықтар құрады. Соның өзінде олар оншалықты көп емес, барлық жасты отқа лақтыруға болмайтын еді», – деген ой білдірді Шахназаров сосын.
Никол Пашинянның ақ туып көтеріп, капитуляция жасауы болып жатқан нақты жағдайға байланысты қабылданған шешім ғана, одан басқа ештеңе де емес. «Мен Пашинян мырзаға табынушы емеспін және ешқашан ондай болғаным жоқ, бірақ ол бұл жолы нақты қажетті қадамды жасады. Жағдайдан шығудың жалғыз жолы осы еді – мұны мойындауымыз керек. Ауыстыру керек пе, керек емес пе [Армения басшылығын], мен оны білмеймін, бірақ мұны эмоциямен жасап қажеті жоқ. Мұның ақыр соңында мыңдаған, бәлки, тіпті әлденеше ондаған мың армян жасөспірім жастарының, айтқандай, дәл солай әзербайжандардың да өмірлерін сақтап қалғанын ұмытпайық», – деп атап өтті «Мосфильмнің» бас директоры.
Карен Шахназаров екі жақты Армения мен Әзербайжан арасында соғыстан кейінгі қалыпты қарым-қатынас қалыптастыруға шақырды.
