Жаңалықтар жаңғырығыҚоғам

Сүйінші! Әзербайжан армиясы Шуша қаласын азат етті

БАКЫ. 8 қараша. Таулы Қарабақтағы ұрыс қимылдары өзінің шешуші кезеңіне жақындап келеді, әзербайжан қарулы жасақтары Шуша қаласынан жауды қуып шықты. Бұл туралы «Вестник Кавказа» хабарлады.

«Әзербайжан армиясы Таулы Қарабақтың жүрегі – Шуша қаласын армян басқыншыларынан босатты», – деді бүгін Әзербайжан халқына үндеуінде Ильхам Әлиев.

Әзербайжан президенті Ильхам Әлиев пен оның әйелі, бірінші вице-президент Мехрибан Әлиева осыған байланысты әкелері Гейдар Әлиевті еске алды. Әзербайжан гимні шырқалды.

Содан кейін елдің президенті мен бірінші ханымы Шаһидтер аллеясына барып, Отаны үшін өмірін қиған Әзербайжан ұлдарын еске түсірді.

«Мен  Шуша қаласы басқыншылықтан босатылғанын шексіз мақтаныш сезімімен мәлімдеймін! Шуша – біздікі! Қарабақ – біздікі! Осыған орай бүкіл Әзербайжан халқын шын жүректен құттықтаймын! Барлық шушалықтарды шын жүректен құттықтаймын!», – деді Әзербайжан президенті.

Мемлекет басшысы: «Әзербайжан халқына осындай тарихи күн туралы хабарлау менің өмірімдегі ең бақытты күндердің бірі шығар», – деді.

«28 жылдан астам уақыт бойы Шуша жау қолында болды. 8 қараша Әзербайжан тарихында мәңгі қалады. Бұл оқиға мәңгі бізбен өмір сүреді. Біз жеңіске келіссөздер үстелі үстінде емес, ұрыс даласында қол жеткіздік. Мен бұл қақтығыстың шешімі әскери жолмен жасалатынына сендім. Біз 30 жылға жуық уақыт еш мәні жоқ келіссөздер жүргізіп келдік, бірақ ол ешқандай нәтиже бермеді – біздің тарихи жерлеріміз жау қолында қалып қоя берді, ал Армения уақыттан ұтып, осы кездің бәрінде өзінің стасус-квосын мәңгілік етіп, нығайтып алуға күш салды. Осы жылдар ішінде біз әртүрлі күштер орталықтарынан түрлі ескертулер алдық – олар бізді жағдаймен келісуге мәжбүр етпек болды. Бірақ біз өзіміздің ерік-жігерімізді көрсетіп, әзербайжан халқының мүдделеріне қайшы келетін келісімдерге бармадық», – деді Әзербайжан президенті.

«Армения билігі Бакының шарттарын қабылдамаса, Әзербайжан Таулы Қарабақтағы әскери операцияларын жалғастыра береді, атап айтқанда, армян әскерін барлық басып алған аумағынан қуып шығады. Егер Армения билігі менің талабыма жауап бермесе, біз ақырына дейін барамыз. Олар барлық басып алған жерлерінен кетулері керек. 27 қыркүйектен бастап 200-ден астам елді мекен, соның ішінде Физули, Жәбірәйіл, Зангилан, Губадлы, Шуша қалалары армян оккупациясынан азат етілді. Ұрыс жалғасып жатыр, әлі де басқыншылар қол астында қалған елді мекендер бар. Әзербайжан армиясының жеңіс жолы жалғасуда. Біз армян армиясын, олардың әскери техникасын жойдық. Армения іс жүзінде өзінің жеңілгенін мойындап, сырттан әскери көмек сұрап отыр», – деді Әзербайжан лидері сосын.

«Бүгін мен ұлттың көшбасшысы Гейдар Әлиевтің қабіріне барып, оның рухына бас идім. Қатты тебіреніп тұрып: «Мен әкемнің өсиетін орындағаныма қуаныштымын. Біз Шушаны босаттық! Бұл – Ұлы Жеңіс!», – дедім. Бүгін біздің шаһидтеріміздің, ұлт көшбасшының рухтары тыныштанды. Әзербайжан жасасын. Жасасын әзербайжан әлемі!», – деді ол тағы.

«Қазір мен бүкіл әлемдегі әзербайжандардан және Әзербайжанда тұратын адамдардан күніне мыңдаған хат алып тұрамын. Күн сайын мыңдаған хат. Менің тек олардың бәрін оқып шыға алмайтыным өкінішті. Себебі, уақыт жетпейді. Қандай керемет сөздер жазады олар, қандай қолдаулар көрсетеді. Бүгін біз бүкіл әлемге өзіміздің ұлы халық екенімізді, намысқой халық екенімізді дәлелдейміз! Біз жеңімпаз халықпыз! Біз ұрыс алаңында жауға өз орындарын көрсететін боламыз!», – деді Ильхам Әлиев.

Тағы көрсету

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Ұқсас мақалалар

Back to top button