Си Цзиньпинь Қытай әскерлерін соғысқа даяр болуға шақырды
ЧАОЧЖОУ. 14 қазан. Қытай компартиясының бас хатшысы, ҚХР Төрағасы Си Цзиньпин Қытай армиясын соғысқа дайын болуға шақырды. Бұл туралы «Синьхуа» агенттігі хабарлады.
Си жолдас мұны сейсенбі күні Гуандун провинциясындағы Чаочжоу қаласында осындағы Қытай Халық-азат ету армиясы (ҚХАА) теңіз жаяу әскерлері корпусының әскери бөлімінде болған кезінде айтты.
Сонымен қатар, Си Цзиньпин әскерилерден мүлде адал, сенімді және мінсіз болуды талап етті.
«Сіздер өздеріңіздің ақылдарыңыз бен күштеріңізді соғысқа дайын болуға және өте қырағылыққа бағыттауларыңыз керек», – деп келтірді оның сөзін Қытайдың орталық теледидары.
Си Цзиньпин атап өткендей, ҚХАА теңіз жаяу әскерлері корпусы десанттық операциялар үшін дайындалған элитаы жауынгерлік бөлімше болып табылады. Оларға мемлекеттің егемендігін, қауіпсіздігін, территориялық тұтастығын, елдің теңіздегі және шетелдердегі мүдделерін қорғау жүктелген.
Си Цзиньпин корпусты қайта құруға және оның жауынгерлік қабілетін арттыруға күш салуға шақырды, ол іс-әрекетте интеграцияланған және жан-жақты, тез әрекет ететін және жан-жақты жағдайда соғысуға қабілетті қуатты армия құруға мүмкіндік береді.
