«Динамо» Новиковты бас бапкерліктен қуып шықты
МӘСКЕУ. 29 қыркүйек. Мәскеудің «Динамо» футбол клубы бас жаттықтырушы Кирилл Новиковты орнынан босатып, оның қызметін уақытша атқаратын маманның аты-жөнін атады. Бұл туралы Eurosport хабарлады.
«Динамо» бұған дейін тұтас бір жыл бойы жаттықтырушы проблемасын білген жоқ еді: ол 2019 жылғы 5 қазанда команданы Ресей кәсіпқой лигасында (РПЛ) 15-орынға дейін түсіріп жіберген Дмитрий Хохловтан құтылды. Клуб оның орнына уақытша Кирилл Новиковты алды, кенет оның жұмысы жүріп берді: жас коуч қысқа уақыт ішінде ойынды жөнге келтіріп қана қойған жоқ, сонымен бірге команданы Еуропа лигасына алып шықты.
Бұл «Динамо» босстары жоспарының бір шағын бөлігі ғана еді: 2019 жылдың жазында олар 43 млн еуроның трансферін жасады, сондықтан Хохловтың РПЛ-дан ұшып кететін белдеуден дейін түсіп кетуін күткен жоқ. Клуб басшылығы мұндай шығынмен Чемпиондар лигасында шайқасуға үміттенген болатын, бірақ жеткендері Еуропа лигасы ғана болды, олай болатыны, маусымның сөресі нашар басталған-ды.
Басшылар енді жаңа чампионатта ілгері жылжушылық болады деп күтті. Құрам ұзақ мерзімді келісімшарттары бар ересек футболшылардан тазартылды. Көмекке Никола Моро, Даниил Лесовой және Даниил Фомин келді, оларға Сильвестр Ибгун қосылды, сөйтіп, шығын тағы 16 млн еуроға ұлғайтылды.
Алайда, Кирилл Новиков былтырғы жылдың соңында қол жеткізген қарқынын биыл сақтап қала алмады. Рас, РПЛ-да «Динамо» лидерден бар-жоғы алты ұпай ғана арта қалып келеді, бірақ маңыздысы бұл емес. Біріншіден, ақ-көгілдір жейделілер голды өте аз соғады – тоғыз турда небәрі жеті доп соғылуы соған айғақ (бұдан төмен көрсеткіш тек мықты ойыншылары ковидпен ауырып қалған «Уфа» мен «Роторда» ғана бар). Екіншіден, «Динамо» Еуропа лигасының таяуда өткен іріктеу ойынында деңгейі өзінен көп төмен Тбилисидің «Локомотивінен» сол жақта 0:1 болып ұтылып, жарыс жолынан шығып қалды. Үшіншіден (шыдамның түгесілген кезі де осы болды), РПЛ-дың соңғы турында өзінің быт-шыты шығып тұрған, биылғы маусымда төрт жаттықтырушы ауыстырып үлгерген Химкидің «Химкиінен» 0:1 есебімен ұтылуға мәжбүр болды. Төртіншіден, командаға нағыз сынақ ретіндегіаса жауапты ойындар таяу күндерде «Краснодар», ЦСКА, «Локомотив» және «Спартакпен» ұжымдарымен өткелі тұр. Бұған дейін тек «Зенитпен» ғана күш сынасып үлгерді. Бұрынғы жаттықтырушының сол емтихандардан жақсы шығатыны күмән болып қалды.
Дегенмен, Кирилл Новиковтың астындағы күрсінді қозғалтып кеткен «Химки» де емес, Тбилисидің «Локомотиві» еді. Одан мұндай сәтсіздікті ең пессимист жанкүйердің өзі күткен жоқ. Міне, сол кезде-ақ бас жаттықтырушының ұзамай кететіні жөнінде сенімді әңгімелер жүре бастады…
Сонымен, «Динамо» тағы бас жібін ұстайтын адамсыз қалды. Ендігі кезек кімдікі? Кім кезекті бас жаттықтырушы болады?
