Моңғолия чемпионатында 54-тегі футболшы алаңға шықты

УЛАН-БАТОР. 15 қыркүйек. Футболдан Моңғолия чемпионаты жоғары лигасының 15-турында «Сумида Гепро» командасының құрамында 54 жастағы футболшы алаңға шықты.

Команда бұл күні өз алаңында «Улан-Батор» клубын қабылдаған еді. Матчтың 86-минутында алаң иелері құрамында ойыншылар алмасып, алаңға 54 жастағы Хандсурен Оюнбилег шықты.

Хандсурен Оюнбилег 1996 жылдан бері ойнамаған екен. Осы жолы ол Жапонияның «Йокогама» жасағының ойыншысы Кадзуйоси Миураның рекордын жаңартты. Жапон футболшысы 53 жасында өнер көрсеткен.

«Сумида Гепро» 15-турдан кейін турнир кестесінде ең соңғы орында келеді.