Қалыңдық жігітімен кездесу кезінде жұрт алдында қаза тапты
НАЙРОБИ. 14 қыркүйек. Кенияда 31 жастағы әйел өзінің күйеу жігітімен романтикалық кездесу кезінде қайғылы жағдайда қазаға ұшырады. Бұл туралы РИА «Новости» хабарлады.
Инцидент елдің батысындағы Нанди округінде орын алған. Ғашықтар бұл жолы Чепкиит сарқырамасы жанында пикник ұйымдастыратын болып шешеді. Осы жерде қаза табатын Доркас Джепкемои Чумба фотосессия ұйымдастырып, суретке түсіп жатады.
Жігіті Бенджамин Казунгудың алдында тұрып, суретке түсіп жатқан әйел бір кезде ойламаған жерден аяғы тайып кетіп, құздан суға қарай құлайды.
«Бұл менің өмірімдегі ең жаман оқиға болды. Қалыңдығымның суға ағып бара жатқаны, менің оған ешқандай көмек көрсете алмағаным жүрегімді одан бетер ауыртып жіберді», – дейді ер кісі.
Бұдан бұрын осыған ұқсас оқиға Қытайдың шығысындағы Вэньчжоу қаласында болған. Онда бірнеше жұптың адамдары өздерінің тойлары кезінде қаза тапқан. 2 қыркүйек күні қалыңдық пен күйеу жігітті теңіз толқыны алып кеткен. Олар сол сәтте рифте суретке түспекші болыпты. Олармен бірге фотограф пен визажист те ажал құшқан. Кейін іздеушілер қыз бен визажисті теңізден өлі күйлерінде тапқан.
