Жаңалықтар жаңғырығыҚұқық

Министр «ОН-ТВ»-ға шара қолданылуы мүмкін деді

АСТАНА. 1 шілде. Ақпарат және қоғамдық даму министрі Аида Балаева Қазақстандағы «ОН-ТВ» телеарнасының мемлекет ұстанымына қайшы келетін хабарлар таратып отырғанына назар аударды. Бұл туралы SkifNews хабарлады.

Мәселе «ОН-ТВ» телеарнасының Ресейдің «Звезда» телеарнасының әскери ғылым мен заманауи техниканың жетістіктерін баяндайтын «Әскери қабылдау» бағдарламасын қазақ тіліне аударып, көрерменге ұсынып келе жатқанынан туындап отыр.

«Әрине, бұл қадам мемлекеттік тілді насихаттау ісінде ғана емес, сонымен қатар, әскери, техникалық ноу-хауға қызығушылық танытатын жастарды ағарту ісінде де оң қадам деп білемін. Алайда, өкінішке қарай, осы телевизиялық хабар циклінің соңғы шығарылымы Қазақстан Республикасының ресми ұстанымына қайшы келеді», – деді министр.

Аида Балаеваның айтуынша, қазақстандық барлық БАҚ-тардың, соның ішінде «ОҢ ТВ» телеарнасының басшылығы Қазақстан Республикасының ұстанымдарын теріс түсіндіретін телебағдарламаларды эфирге жібермеуі керек. Осыған орай министр жергілікті атқарушы органдарға өңірлік БАҚ-пен, әсіресе, көркем емес және ойын-сауық сипатындағы шетелдік контентті тарататын телеарналармен алдын алу жұмыстарын жандандыруды тапсырды.

«Бұл жұмыс ретрансляцияланатын шетелдік контенттің редакциялық саясатын оңтайландыруға бағытталуы тиіс. Мұндай жағдайлар қайталанған жағдайда, Ақпарат және қоғамдық даму министрлігі редакциялық саясаты елдің имиджіне нұқсан келтіретін БАҚ-қа қатысты шаралар қолдануға мәжбүр болады», – деп атап өтті Аида Ғалымқызы.

Таңбалар
Тағы көрсету

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Ұқсас мақалалар

Back to top button
Жабу
Жабу