USD
ЫСТАМБҰЛ. 15 қазан. Түркияның Ыстамбұл қаласында тоқтаусыз жауған нөсердің салдарынан көшелерді топан су басып қалып, көптеген шығындарға әкелді. Бұл туралы Daily Sabah ақпарына сілтеме жасаған rast.kz хабарлайды.
Ыстамбұлда қолайсыз ауа-райы әуежайдың қиратылуы мен қаланы жаппай су тасқыны жайлауына жеткізді. Кемінде екі адамның қаза тапқаны белгілі болды.
«Ыстамбұлдағы рекордтық деңгейдегі нөсер рейстердің бір бөлігін тоқтатып, кейбір аудандарды сыртқы әлемнен ажыратып тастады, қаза тапқандар бар», деп атап өтілгенген хабарламада.
Ыстамбұлда жаңбыр бір күн алдын басталды, оның соңы рекордтық жауын-шашынға айналды, ол бүгін де жалғасып жатыр.
Мектептерде сабақ әзірге жұмаға дейін тоқтатылды. Мемлекеттік қызметшілердің бір бөлігі де үйде қалады. Тұрғындар мен туристерге мүмкіндігінше көшеге шықпауға және жеке көлікті пайдаланбауға кеңес беріледі.
Жолдар мен ғимараттардың төменгі қабаттары судың астында тұр, Ыстамбұл әуежайы рейстерді қабылдамайды. Кейбір аудандарда су деңгейі метрден асады.
Ауа райының қолайсыздығы екі адамның өліміне әкелген, олардың бірі шалашта тұратын 14 жасар жасөспірім болса, екіншісі – ер адам көшеде тайып кетіп, басынан қатты жарақат алған. Басқа мәтбұғаттардың хабарлауынша, 3 адам қаза тапқан, тағы төртеуі хабар-ошарсыз кеткен.
Қалада адамдарға полицейлер мен қайықтағы құтқарушылар көмек көрсетуде. Түркия ІІшкі істер министі Мұстафа Чифтчи осы кезге дейін 2 727 адамның эвакуацияланғанын, ал құтқару жұмыстарына 46 мыңнан астам қызметкер, 2 288 көлік және 14 қайық тартылғанын хабарлады.
