USD
МӘСКЕУ. 13 қыркүйек. Путин өзінің олигарх досы Ротенбергке шабуыл жасалуына байланысты ФСБ-шылардың арасын «тазалауды» бастап кетті. Бұл туралы The Moscow Times ақпарына сілтеме жасаған rast.kz хабарлайды.
РФ-да қазір диктатор Владимир Путиннің олигарх Аркадий Ротенбергке қарсы арнаулы орындар жасаған қастық әрекеттен көңіл күйі өзгеруіне байланысты «аздаған сарай төңкерісі» жүріп жатыр.
«ВЧК-ОГПУ» паблигі хабарлағандай, осы тірліктердің ырғағында Ротенберг қуғыннан құтылып қана қойған жоқ, сонымен бірге оған Путинді өзіне шабуыл жасағандардың артында тұрғандарға қарсы қоя алудың орайы келді.
Кремльдің қожайыны содан кейін Аркадий Ротенбергке шабуыл жасағандардың бәрін «тазалауды» жедел қолға алды. Алдымен РФ федералды қауіпсіздік қызметі (ФСБ) экономикалық қауіпсіздік қызметінің аса қуатты басшысы Сергей Алпатов орнынан кетті. Енді сондай шешім ФСБ-ның «Т» басқармасының бастығы Николай Бабаков пен тағы бірнеше ФСБ «топ-менеджерлерін» күтіп тұр.
Соңғы жылдары Ротенбергтің жағдайы айтарлықтай нашарлап кеткен көрінеді. Бұған себептердің қатарында қаржы проблемасы, бюджетті қаржыландырудың нашарлауы, сондай-ақ Кремльдің наразылығы мен күштік құрылымдар тарапынан болып жатқан ұзақ мерзімдік қысым аталады.
Бизнесменнің шеңберіндегі бизнесмендердің өкілдері бірінен кейін бірі қылмыстық істердің фигуранттары болып жатыр.
«Күзетшілер кланы» ақырында Путинді өзіне Ротенберг пен Трабер жөнінде жеткізіліп жатқан баянаттардың бәрі бұл кісілердің беделдеріне нұқсан келтіріп, диктатордың да позициясын әлсірету үшін жасалып жатқан жалған ақпарат екеніне сендіре білді. Оқиғаның бұдан арғы өрбу барысы оның бұған сенгенін көрсетеді», – делінген материалда.
Мәнбелер осыдан кейін жағдайдың «180 градусқа өзгеріп кеткенін» атап өтті.
Бірден Трабер, Махов және істің басқа фигуранттары бостандыққа шықты.
Осымен бір мезгілде ФСБ-нің ішінде Алпатовтың экономикалық қауіпсіздік қызметінің басшысы лауазымынан кетуі мүмкін екені жайлы қауесет тарады, ақырында мәнбелер оның шынымен орнын босатқанын атап өтті.
«Қазір ол демалысқа кетті, енді содан қайтып ФСБ-ға келмейді» десті жағдайға қанық кісілер.
Осы кезде ФСБ басшысы Александр Бортниковтің (суретте) өз басына да зауал төнгені айтылып жатыр. Салада расында үлкен «тазару» жүретін сияқты.
