USD
СИЭТЛ. 20 маусым. Америкалықтар топтық кезеңнің 2-турында Аустралия құрамасын 2:0 етіп ұтып, өз елінде өтіп жатқан мундиалдың 1/16 финалына шықты. Бұл туралы rast.kz хабарлайды.
Матч маусымның 20-ына қараған түні Сиэтл қаласында ойналды.
Осылайша екі ойыннан 6 ұпай жинаған АҚШ командасы мерзімінен бұрын, топтық кезеңнің соңғы туры алдында плей-офф кезеңіне қарай қадам басты.
Америкалықтар бірінші турда Парагвайды 4:1 етіп тізе бүктірген еді.
Негізі, Мексика құрамасы футболдан 2026 жылғы әлем чемпионатының келесі шоғырына өткен бірінші ұлттық команда болды.
Сарапшылар әлем чемпионаты егелерінің бірі болып отырған АҚШ құрамасының бұл турнирде өте сенімді ойын көрсетіп жатқанын атап өтті. Құраманың коучы Моурисио Пачеттино команданың плей-оффқа мерзімінен бұрын шығуы одардың келесі раунда тыңғылықты дайындалуға мүмкіндік беретінін айтты.
Ал плей-оффқа бірінші болып тіркелген Мексика құрамасы алдыңғы екі ойыннан 6 ұпай жинады. Мәселе олардың екінші турда Кореяны 1:0 етіп ұтқанынан кейін оңай шешілді. Мұның алдында, чемпионаттың ашылу рәсімінде мексикалықтар Оңтүстік Африка Республикасын 2:0 етіп ұтқан-ды.
Плей-офф шайқастары 28 маусымда басталады. Финалдық матч 19 шілде күні Американың Нью-Джерси штатындағы Ист-Ратерфордта ойналады.
