USD
ЕРЕВАН. 8 маусым. Армениядағы парламент сайлауында Пашинянның партиясы 50%-дан астам дауыс есептелген кезде 51%-бен алда келе жатқаны айғақталды. Бұл туралы «Новости-Армения» ақпарына сүйенген rast.kz хабарлайды.
Армения Орталық сайлау комиссиясы сайлау учаскелерінің жартысынан астамының мәліметтері анықталғаннан кейін премьер-министр Никол Пашинянның «Азаматтық келісім» партиясының 51%-бен суырылып алға шыққанын мәлімдеді.
Хайастандағы кезекті парламент сайлауы жүргізілген 2005 сайлау учаскесінің 1029-ындағы бюллетеньдерді сұрыптап болған Орталық сайлау комиссиясы олардың электоратты қорытындысымен таныстырды.
ОСК осылайша 50%-дан астам сайлау учаскелерінің мәліметтерін халыққа таратты.
Мұнда дауысқа түскен саяси күштердің ара салмағы әзірге былайша бөліске түсіп тұр: «Азаматтық келісім» партиясы – 51,71%, «Күшті Армения» блогы – 23,2%, «Армения» блогы – 9,33%, «Гүлденген Армения» партиясы – 4,29%.
Кеше, 7 маусым күні Арменияның 2005 сайлау учаскесінде Ұлттық жиналыстың (парламенттің) кезекті 9-шы шақырылымының сайлауы болып өтті.
Армения ОСК мәлімет бойынша, сайлауда 2 503 974 адам тіркелген. Кешкі сағат 20:00-ге дейін олардың 58,97%-ы келіп, дауыс беріп үлгерген. Осылайша өзінің шектік деңгейінен асып кеткен.
Енді парламентке шектеулі белдеуден асып өтетін мөлшерде дауыс жинай алған блоктар мен партиялар өз депутаттарын енгізеді. Бұл шектеулер партиялар үшін – 4%, екі партиядан тұратын блоктар үшін – 8%, үш немесе одан да көп партиялардан құралған блоктар үшін – 10%.
Сайлауға 18 саяси күштер – 2 блок және 16 партия қатысты.
Парламенттегі 101 мандат жоғарыдағы шектеу белдеуінен өткен блоктар мен партиялардың пайыздық үлестеріне қарай бөліске түседі.
