USD
МӘСКЕУ. 17 сәуір. РФ диктаторы Владимир Путиннің рейтингісі соңғы алты апта бойына ылғи төмен түсуге белең алдырып тұр. Бұл туралы DW ақпарына сүйенген rast.kz хабарлайды.
Мемлекеттік ВЦИОМ жүргізген сауалнамаға сәйкес, 6-12 сәуірде Ресей Федерациясы президентіне қолдау көрсету деңгейі соғыс басталғаннан бері бірінші рет 66,7 %-ды көрсетіп, ең төменгі деңгейге дейін құлдырады.
Мемлекетке тиесілі бүкілресейлік қоғамдық пікірді зерттеу орталығы (ВЦИОМ) алтыншы апта қатарынан Ресей президенті Владимир Путиннің азаматтар арасындағы қызметін қолдау рейтингінің барынша төмендеу белдеуін тіркеді.
17 сәуір, жұма күні жарияланған сауалнама деректеріне сәйкес, 6-12 сәуір аралығында бұл көрсеткіш 66,7%-ды құраған, бұл алдыңғы аптамен салыстырғанда 1,1 пайыздық тармақтың жоғалғанын білдіреді. Сол сияқты Путинге сенім білдіру деңгейі 1,8 пайыздық тармаққа дейін төмен түсіп, 72%-дық мөлшерге дейін еңіске түскен.
ВЦИОМ мәліметтері бойынша, Кремль көсемінің рейтингі Ресей армиясының 2022 жылы 24 ақпанда Украинаға басып кіруі басталғаннан бергі ең төменгі нүктеге жеткен.
Билік басындағы «Единая Россия» қолдау деңгейі де төмендеп келеді. ВЦИОМ осы орайда Мемлекеттік думада өкілдіктері бар басқа партиялардың рейтингілері өсе бастағанын да атап көрсеткен.
Ақпан айының басында Путинге қолдау көрсету рейтингі 75,1%, ал сенім рейтингі 78,7% болған. Наурызда бұл көрсеткіштер алғаш рет 2022 жылдың 20 ақпанындағы – соғыстан төрт күн бұрын төмен деңгейге дейін төмендеді. Ол кезде қолдау деңгейі 64,3%-ды, ал сенім деңгейі 67,2%-ды құрады.
