«Ешкім Мырза Путинге қарсы» фильмі «Оскар» сыйлығын алды
УАШИНГТОН. 16 наурыз. Ресейлік Павел Таланкин мен Дэвид Боренштейннің «Ешкім емес Мырза Путинге қарсы» деректі фильмі АҚШ Киноакадемиясының «Оскар» сыйлығына ие болды. Бұл туралы DW ақпарына сүйенген rast.kz хабарлайды.
Павел Таланкин мен Дэвид Боренштейннің Ресей мектептерінде соғыстың насихатталуын паш ететін «Ешкім емес Мырза Путинге қарсы» («Господин Никто против Путина», «Mr. Nobody against Putin», 2025) атты лентасы «Үздік деректі фильм» номинациясы бойынша «Оскар» сыйлығына лайықты деп табылды.
«Оскар» сыйлығын 98-ші мәрте тапсыру рәсімі Калифорния штатының Лос-Анджелес қаласындағы «Долби» театрында 15 наурыз, жексенбі күні өтті.
Боренштейн фильмді «елден қалай айырылып қалуға болатыны жайлы картина» деп атады. «Біз осы кадрлармен жұмыс істеп жатқан кезде оны сансыз майда-шүйде қатысушылардың әрекеттері арқылы-ақ жоғалтып алуға болатынына көз жеткіздік. Бірақ, бақытымызға орай, тіпті «Ешкім» де сіз ойлағаннан әлдеқайда күшті бола алмайды екен», – деді ол.
Таланкин өз кезегінде сахнадан «жер бетіндегі барлық соғыс атаулыны тоқтатуға» шақырды.
«Төрт жыл бойы біз жұлдызды аспанға қарап, ең маңызды тілек айтып келеміз. Өте маңызды тілек. Бірақ жұлдыздардың орнына аспаннан бомбалар түсіп, дрондар ұшатын елдер бар. Болашағымыз үшін, барлық балаларымыздың қамы үшін барлық соғыстарды тоқтатайық. Қазір», – деді ол.
Фильмнің негізіне Челябинск облысының Карабаш қаласындағы мектептің ұйымдастырушы-педагогы Таланкиннің 2022 жылдың ақпан айында Ресейдің Украинаға толық ауқымды басып кіруі басталғаннан бері түсірген бейнежазбалары алынған.
