Нұрлан Сабуровты 12 жылға сотталу жазасы күтіп тұр
АСТАНА. 11 ақпан. Қазақстандық сайқымазақ Нұрлан Сабуров республика заңнамасына қайшы келетін ауыр қылмыс жасағаны үшін 12 жылға бас бостандығынан айырылуы мүмкін. Бұл туралы DW ақпарына сүйенген rast.kz хабарлайды.
Мәселе Сабуровтың жалдамалылық әрекеті бойынша ықтимал жауапкершілігіне қатысты туындап отыр.
Қазақстанда мұндай әрекеттер ауыр қылмыс ретінде бағаланып, 12 жылға дейін бас бостандығынан айыру жазасы белгіленеді.
Қазақстан құқық қорғау органдары интернетте орыс тілді әзілкеш Нұрлан Сабуровтың Ресейдің әскери құрылымы – «Вагнер» ЖӘҚ бөлімшесіне бір топ мотоциклді сыйға тартып жатқаны бейнеленген видео пайда болғаннан кейін бұл оқиғаға қызығушылық танытты. Deutsche Welle (DW) хабарлағандай, Қазақстан Бас прокурорының орынбасары Ғалымжан Қойгелдиев құзыретті органдар сайқымазақтың әрекеттеріне құқықтық баға бере алады деп мәлімдедген.
Басылым мәліметінше, Нұрлан Сабуров Қазақстан Қылмыстық кодексінің 170-бабы («Жалдамалылық») бойынша жазалануы мүмкін. Бұл бап қарулы қақтығыстарға қатысушыларды тарту, қаржыландыру немесе басқаша көмек көрсету үшін жауапкершілікті көздейді.
Талқылау интернетте таралған бейнежазбалардан туындады. Оларда Сабуров он мотоциклді ресейлік әскери қызметкерлерге бергенін жариялап, олардың «жеңіспен оралуын» тілейді. Бұл мәлімдемелер қазақстандық БАҚ-та қатты реакция тудырды, онда қазақстандық азаматтардың шетелдік соғыстарға қатысуы қылмыстық құқық бұзушылық болып саналады.
Ақпан айының басында оған Ресейге кіруге 50 жылға тыйым салынғаны жарияланды.
Қазақстан адвокаты Бауыржан Оңғаров «Вагнер» ЖӘҚ-на байланысты ұйымдарды қолдау жалдамалыларды қаржыландыру деп саналуы ықтимал екенін мәлімдеді.
