Наурызбай Байқадамов – Қорқыт Ата атындағы университет ректоры

ҚЫЗЫЛОРДА. 6 ақпан. Наурызбай Байқадамов Қорқыт Ата атындағы Қызылорда университетінің ректоры болып тағайындалды. Бұл туралы kultmedia.kz ақпарына сүйенген rast.kz хабарлайды.

«Республикалық комиссияның шешімімен Қорқыт Ата атындағы университеттің ректоры болып Наурызбай Сейтқалиұлы Байқадамов тағайындалды», – делінген хабарламада.

Ол жаңа тағайындауға дейін Парламент Сенатының депутаты, конституциялық заңнама, сот жүйесі және құқық органдары комитетінің мүшесі болды. Тарих ғылымдарының кандидаты, доцент.

Наурызбай Сейтқалиұлы Байқадамов 1967 жылы 10 шілдеде Қызылорда облысы, Сырдария ауданына қарасты Киров (қазір – Ж. Махамбетов атындағы ауыл) атындағы колхозда туған. 1991 жылы Н.Г. Гоголь атындағы Қызылорда педагогикалық институтын (қазір – Қорқыт Ата атындағы университет) «Тарих және француз тілі» мамандығы бойынша бітірген.

Еңбек жолын 1991 жылы Қызылорда облысы, Сырдария ауданындағы Амангелді атындағы №139 мектепте мұғалім болудан бастаған.

1994-2003 жылдары Қорқыт Ата атындағы Қызылорда мемлекеттік университеті «Мемлекет және құқық теориясы мен тарихы» кафедрасының оқытушы, аға оқытушысы, меңгерушісі,

2003-2006 жылдары Қорқыт Ата атындағы Қызылорда мемлекеттік университеті жанындағы колледж директоры,

2007 жылы маусым-қараша аралығында «Nur Otan» ХДП Қызылорда облыстық филиалы төрағасының орынбасары,

2008-2013 жылдары Қорқыт Ата атындағы Қызылорда мемлекеттік университетінің тәрбие жұмыстары жөніндегі проректоры,

2013-2015 жылдары Қызылорда облысының білім басқармасының бастығы.

2015-2016 жылдары «Nur Otan» партиясы Қызылорда облыстық филиалы төрағасының бірінші орынбасары,

2016-2019 жылдары Қызылорда облыстық мәслихатының хатшысы.

2019-2021 жылдар аралығында Қызылорда облысы әкімінің орынбасары.

2021-2023 жылдары Қызылорда облыстық мәслихатының хатшысы,

2022-2023 жылдары «AMANAT» партиясының Қызылорда облыстық филиалының төрағасы,

2023-2024 жылдары Қызылорда облыстық мәслихатының төрағасы.

2024 жылғы сәуірден Қызылорда облысынан сайланған Парламент Сенатының депутаты болды.

«Құрмет» және «Парасат» ордендерімен наградталған.