Денсаулық сақтау саласында қаржыны оңтайластыру жүріп жатыр
АСТАНА. 19 қаңтар. Денсаулық сақтау министрлігі қаржы тасқындарын оңтайландыру бағытында орасан зор жұмыстар атқарып келеді. Бұл туралы өз мәнбесіне сүйенген rast.kz хабарлайды.
Соңғы екі жылдың ішінде Денсаулық сақтау министрлігі бұл тарапта жанды жұмыстарды қолға алып, қаржылардың өзі орындарымен және нақты керекті жерлеріне жұмсалуларын жолға қою шараларын жүзеге асыра бастады. Ведомство осы бағытта қаржы тасқындарының аудитіне айрықша назар аударып, ресурстарды ұтымды пайдалану жөнінде жүйелі шаралар қабылдады.
«Тек тарифтерді, төлем әдістерін және медициналық көмек көрсету стандарттарын қайта қараудың есебінен 2024 жылы 204 млрд.теңге, 2025 жылы 152 млрд теңге оңтайландырылды, олар неғұрлым талап етілетін бағыттар бойынша медициналық көмек көрсетуге бағытталды», – деп атап көрсетті Денсаулық сақтау министрі Ақмарал Әлназарова.
Оның айтуынша, бұл ең алдымен министрлік қатаң сапа индикаторларын енгізген келісімшарттық міндеттемелер арқылы медициналық қызмет көрсетушілерге қойылатын талаптарды арттыруға қатысты болып отыр.
2025 жылдың қорытындысы бойынша медициналық ұйымдарға тіркелгені және сапасыз жұмысы үшін 2,8 млрд теңгеге санкциялар қолданылды.
Екіншіден, тіркемелер құқық қорғау органдарына жіберілетін елеулі қаржылық бұзушылықтарға теңестірілді, 2025 жылы мұндай істер екі есеге жуық өсті.
Үшіншіден, емхананың жұмыс қағидаты қайта қаралды, олар ешқашан жүгінбеген азаматтар үшін толық көлемде ақша алмайды. «Белсенді емес» тіркелген халықты анықтаудың есебінен 15 млрд теңгеден астам қаражат босатылды.
«Осы шаралардың арқасында емханаларға нақты өтініштердің саны 40%-ға өсті. Осылайша, 2,2 миллионға жуық адам жүйенің атаулы болуына байланысты бастапқы деңгейде қажетті көмек алды», – деп жазды Ақмарал Шәріпбайқызы бұдан әрі.
Атап айтқанда, ТМККК шеңберінде күндізгі стационар қызметтерін орналастыру бекітілген халқы бар ұйымдардың арасында ғана жүзеге асырылады, нәтижесінде өнім берушілер саны екі есеге азайды.
Ал әлеуметтік медициналық сақтандыру қорын (ӘлМСҚ) қаржы институты ретінде бейінді ведомствоның басқаруына беру туралы шешім осы қолға алынған жүйелі жұмыстың жалғасы болуға тиіс.
Бүгінгі таңда медициналық көмекті қаржыландырудың жұмыс істейтін тетігі құрылды, енді ол мемлекеттік деңгейде қадағалаумен күшейтілетін болады.
Қаржы министрлігінің тарапынан кәсіби басқару әрбір төлемнің «цифрлық ашықтығын» қамтамасыз етеді. Бұл екі есе қаржыландыру және қаражатты мақсатсыз пайдалану қаупін жояды.
«Біз іргетас құрдық, ал Қаржы министрлігімен интеграция шынымен пациентке көрсетілетін «сапалы емге қомақты қаржы» жүйесін құруға мүмкіндік береді», – деді министр соңында.
