USD
КИЕВ. 6 қыркүйек. Украина президенті Володимир Зеленський өз кезегінде РФ диктаторы Владимир Путинге кездесу өткізу үшін Киевке келуді ұсынды. Бұл туралы DW ақпарына сүйенген rast.kz хабарлайды.
«Владимир Путиннің Киевке келуіне болады», – деп мәлімдеді украин президенті ABC News телеарнасының эфирінде. Ол өз сөзінде елі Ресейдің шабуылына ұшырап жатқан кезде Мәскеуге бара алмайтынын айтты.
Ресей президенті Владимир Путин Украинадағы жағдайды бейбіт реттеу жөнінде келіссөздер жүргізу үшін Киевке келе алады. Мұндай ұсынысты жұма, 5 қыркүйекте америкалық ABC News телеарнасына берген сұхбатында Украина мемлекетінің басшысы Володимир Зеленський жасады.
Сол күні Владивостоктағы Шығыс экономикалық форумында сөйлеген сөзінде Путин Украинадағы бейбіт реттеу жөніндегі келіссөздер үшін Мәскеу «ең жақсы орын» бола алатынын тағы атап өткен еді. Сонымен бірге ол Ресей астанасына келсе Зеленськийге «100 пайыз» қауіпсіздік кепілдігі берілетініне уәде берді.
«Ол (Владимир Путин – ред.) Киевке келе алады», – деп жауап берді бұған украин басшысы ABC News арнасына берген сұхбатында.
«Менің елім күн сайын зымыран шабуылдары мен жорықтарғау ұшырап жатқанда мен Мәскеуге бара алмаймын. Мен бұл лаңкестер астанасына бара алмаймын», – деді ол.
Зеленскийдің айтуынша, Путин «мұны түсінеді». Әңгіме барысында Украина басшысы Путиннің онымен кездесіп, Украинадағы соғысты тоқтатқысы келмейтінін бірнеше рет қайталады. Сонымен бірге ол Путиннің «АҚШ-пен ойын ойнап жатқанын» айтты.
Бұған дейін, 28 тамызда Германия канцлері Фридрих Мерц те осындай пікір білдірген еді. Франция президенті Эммануэль Макронмен кездесуі кезінде ол «президент Зеленський мен президент Путиннің кездесуі анық болмайтынына сүйене отырып», Украинадағы бейбіт реттеу тақырыбына қайта араласуға шақырды. Сонымен қатар, 2 қыркүйекте Берлинде Швейцария президенті Карин Келлер-Саттермен бірлескен баспасөз мәслихатында Мерц Ресей Федерациясы мен Украина президенттерінің тікелей келіссөздері Женевада өтуі мүмкін екенін атап өтті.
Өз кезегінде Украина сыртқы істер министрі Андрей Сыбига 3 қыркүйекте X әлеуметтік желісінде сол уақытқа дейін жеті елдің Володимир Зеленський мен Владимир Путиннің кездесуі үшін орын беруге дайын екенін мәлімдегенін хабарлады. Оларды Австрия, Киелі Тақ (Ватикан. – ред.), Швейцария, Түркия және Парсы шығанағының үш мемлекеті құрайды. «Бұл салмақты ұсыныстар және президент Зеленський кез келген уақытта мұндай кездесуге дайын», – делінген хабарламада.
