USD
ҚАРАҒАНДЫ. 14 маусым. Қарағандыда медицина қызметкерлеріне шабуыл жасау дерегі бойынша қылмыстық іс қозғалды. Бұл туралы ekaraganda.kz ақпарына сүйенген rast.kz хабарлайды.
Инцидент 12 маусым күні Қарағанды облыстық балалар ауруханасында орын алған.
Алдын ала айтылған мәлімет бойынша, облыс орталығының 38 жастағы тұрғыны сөзбен ұстасып, кикілжіңге келіп қалу салдарынан екі дәрігерге шабуыл жасап, дене жарақаттарын салған.
Күдікті сол бойда оқиға орнында ұсталып, уақытша ұстау оқшаулағышына қамалған.
Қазір сотқа дейінгі тексеріс жүріп жатыр. Болған оқиғаны жан-жақты да әділ тексеруге керекті тергеу амалдарының бәрі қолданылуда.
Бүгін Денсаулық сақтау министрі Ақмарал Әлназарова осы оқиғаға байланысты Қарағандыға арнайы келіп, жарақат алып қалған дәрігерлермен кездесті. Ол бұл оқиғаның ұдайы бақылауда ұсталатынын айтты.
