USD
КИЕВ. 1 маусым. Бүгін Украина Қарулы күштері Ресей аэродромдарына жаппай шабуыл жасап, оның авиациясын талқандап тастады. Бұл туралы DW ақпарына сүйенген rast.kz хабарлайды.
Сарапшылар бұл осы соғыс басталғалы бергі Ресей аэродромдарына жасалған ең ауыр соққы болғанын айтып жатыр.
Ресей Z-арналары болған оқиғаны Перл-Харбормен салыстыруда.
Украина Қарулы күштерінің Ресейдегі әуе базаларына қарсы «Веб» операциясы тарихтағы ресейлік стратегиялық авиацияға жасалған ең үлкен соққы болды. Бірнеше әскери сарапшы жексенбі, 1 маусым күні орын алған оқиғаға осындай баға берді.
«Бұл – Ресейдің стратегиялық қарулы күштеріне қарсы жасалған ең ірі шабуыл. Бастапқы мәліметтер 10 бомбалаушы ұшағы жойылғанын көрсетеді. Суреттерде көптеген Ту-95 стратегиялық бомбалаушы ұшақтары өртеніп жатқаны байқалады. Ресейдің жауабы жойқын болуы әбден мүмкін», – деп жазды Германияның Bild газетінің әскери сарапшысы Юлиан Рёпке. Израильдік сарапшы Йигал Левин операцияны «ештеңемен салыстыруға келмейтін ерекше деңгей» деп атады. «Украиндар, әрине, стратосфералық биіктікке жолды көтерді», – деп жазды ол Telegram-да.
Украиналық сарапшы Виталий Глагола Telegram желісінде соққылардың бірінің видеосын жариялап, бұл «Ресей Әскери-әуе күштеріне соғыс басталғалы бері жасалған ең қуатты соққы» деп атап көрсетті.
DW-тің Украина қауіпсіздік қызметіндегі өз мәнбелерінің хабарлауынша, «Паутина» операциясын осы арнайы қызмет жүргізген. СБУ құны 2 миллиард долларға дейін жететін 41 ресейлік ұшағы соққының астында қалған. Олардың арасында А-50, Ту-95, Ту-22М3 стратегиялық бомбалаушы ұшақтары бар. Украиналық УНИАН агенттігі өз мәнебелеріне сілтеме жасай отырып, операцияны Володимир Зеленський жеке басқарғанын және оған 1,5 жыл дайындалғанын жазады.
Ресей қорғаныс министрлігі Украина Қарулы күштері FPV дрондарының Мурманск, Иркутск, Иваново, Рязань және Амур облыстарындағы аэродромдарға соққы бергенін растады.
