USD
БРЮССЕЛЬ. 2 мамыр. Еуроодақ Ресей олигархтары мен компанияларының бұғатта тұрған 3 млрд еуро қаржыларын тәркілеп алуға шешім қабылдады. Бұл туралы ресейшіл The Moscow News агенттігінің ақпарына құлақ түрген rast.kz хабарлайды.
Reuters Еуропа одағының ресейлік компаниялар мен жеке тұлғаларының қатырып тасталған 3 млрд еуроға жуық қаржыларын РФ-да ақшаларынан айырылып қалған инвесторларға өтемақы төлеу үшін тәркілеп алып қойғалы отырғанын жазды. Агенттік мәнбелерінің деректеріне қарағанда, бұл қаражат өткен жылы Ресейде қаржылары тәркіленіп алынып қойылған батыстық компаниялар мен азаматтар арасында бөліске салынады. Ал Ресей Орталық банкінің Еуропада қатырып тасталған ақшаларының көлемі 200 млрд еуроға жуықтайды. Олар әзірге қол тиілместен сақталып тұрады. Еуропа билігі мұның орнына Ресей компаниялары мен олигархтарының 2022 жылдан кейін қатырып қойылған 10 млрд еуро мөлшеріндегі қолма-қол ақшалары мен құнды қағаздарының бір бөлігін алып, жарата бастады.
Әңгіме Ресейдің Euroclear депозитариі бұғаттап алған қаржылары турасында болып отыр.
Reuters-дің екі мәнбесінің айтуларына қарағанда, Мәскеу соңғы айларда Euroclear-дың Ресейдегі депозитариінде тұрған 3 млрд еуро ақшасын тәркілеп алған. Еуроодақ енді мына әрекетті соған жауап ретінде қолданып отыр.
