Зеленський Еуропа одағымен өте жақсы келісім жасасып қайтты
ПАРИЖ. 29 наурыз. Украина президенті Володимир Зеленський Еуропа елдерімен барлау мен әуе қорғанысы жөнінде керемет келісім орнатты. Бұл туралы Dialog.ua ақпарына сүйенген rast.kz хабарлайды.
Украина президенті Парижде өткен саммиттен өте олжалы, көтеріңкі көңіл күймен оралды.
Украина еуропалық серіктестерімен барлау деректеріне, оқ-дәрі қоймаларына және әуе шабуылына қарсы қорғаныс жүйелерін шығаруға лицензиялар алу жөнінде келісім жасасты.
Бұдан бір күн бұрын Парижде өткен Украинаны қолдау саммиті украин мемлекеті үшін «өте дұрыс және нақты нәтиже» әкелді. Осы келіссөздер барысында украин тарапы еуропалық әріптестерімен барлау ақпаратына, оқ-дәрі қоймаларына қолжетімділікті кеңейту және әуе шабуылына қарсы қорғаныс жүйелерін өндіруге лицензия алу туралы келісімге келді.
Мемлекет басшысы Франция жариялаған 2 миллиард еуроны құрайтын жаңа қорғаныс пакетіне қоса, тараптар қосымша қару-жарақ жеткізу туралы келісімге келгенін атап өтті.
Бұл келісімдердің егжей-тегжейлері Лондон мен Берлиннің үйлестіруі бойынша сәуір айында өтетін Рамштайн форматындағы келесі кездесуде тарқатылып айтылады.
Сонымен қатар, Украина бірқатар елдермен олардың барлау, технологиясы және спутник жүйелеріне қолжетімділікті кеңейту туралы келісімдерге қол жеткізді. Президент бұл мәселе жөніндегі бастаманы Еуропа елдері көтергенін айтты.
Украина сондай-ақ кейбір серіктестермен олардың оқ-дәрі қоймаларына кіру мүмкіндігін беру туралы келісімге қол жеткізді. Украина енді әуе қорғанысы қаруларын да өзі шығаратын болады. Оның жүйелерін өндіруге лицензия алынды. Бұған қоса, артиллерияның жекелеген түрлері бойынша лицензия алуға әрекет жасалады.
Саммитте Украинада ұшқышсыз ұшақтар мен зымырандар шығару үшін инвестиция тарту жайы да талқыланды.
