АҚШ конгрессмені Трампты Украинаға қатысты ұстанымы үшін сынады
УАШИНГТОН. 28 ақпан. АҚШ конгрессмені Жасмин Крокетт президент Дональд Трамптың Украинаға байланысты теріс пікірін бетіне басты. Бұл туралы Dialog.ua ақпарына сүйенген rast.kz хабарлайды.
Крокетт президент Трамптың партияластарын ақиқаттың ауылынан аулақ кетпей, украин халқына қарсы жаулап алу соғысын бастаған Ресей армиясы екенін мойындауға шақырды.
Америкалық саясаткер, Республикалық партияның парламент мүшесі Жасмин Крокетт АҚШ Өкілдер палатасындағы тыңдаулар барысында сөйлеген сөзінде өз партияластарын Ресей-Украина соғысына қатысты өте оғаш, өрескел, күлкілі, шындыққа мүлде жанаспайтын ұстанымдары үшін барынша қисынды сынға алды.
Конгрессмен АҚШ президенті Дональд Трамптың жақтастары, соның ішінде республикашыл заң шығарушылар Ресейдің өзіне ешқандай қауіп төндірмеген көрші елге шабуыл жасағаны туралы айдан анық фактіні мойындаудан бас тартқанын баса айтты.
Оның айтуынша, Конгрестің республикашыл мүшелері Трамптың ұстанымына қайшы келуден қорқады. Ол сондай-ақ Америка мемлекетінің қазіргі басшысы нақты шындықты айтуы керек деген пікірін білдірді: соғысты Украина емес, Ресей Федерациясы бастады, Кремль армиясы украин жеріне басып кірді.
«Мен кез келген әріптестерімнен мынаны сұрағым келеді: бұл жерде Ресей Украинаға басып кірді деп шындығын айтуға сіздерге не кедергі келтіріп тұр?» – деді Крокет қызуланып.
Айта кетуіміз керек, бұл сұраққа қарсы тұрар уәждері болмаған Конгрестің Өкілдер палатасында біршама уақыт үнсіздік орнады.
