Трамп пен Макронның Украинаға қатысты ойлары үндеспейді
УАШИНГТОН. 25 ақпан. АҚШ президенті Дональд Трам пен Франция президенті Эммануэль Макронның Украинадағы соғысты тоқтатуға орай көзқарастарынла елеулі кереғарлықтар бар. Бұл туралы Reuters ақпарына сүйенген rast.kz хабарлайды.
Агенттіктің хабарлауынша, келіссөздер барысында Трамп пен Макрон бір-біріне достық рәуіш танытқан. Бірақ Макрон Украинаға қатысты кейбір негізгі мәселелерде Трамппен келіспейтінін ашық айтқан.
Трамп Кремльдің көсемі Путинді диктатор деп атаудан бас тартса, Макрон Ресейдің «агрессор» екеніне еш шүбә жоқ екенін білдірді. «Путин бейбіт өмірдің шырқын бұзды», – деді Макрон.
Сонымен бірге Трамп атысты тоқтату келісіміне тезірек қол жеткізуді қалайтынына салып, Украина мен Ресей арасында келіссөздердің жүруіне ықпал ететінін баяндады. Тіпті келісімге келе сала Путинмен кездесу үшін Кремльге баратынын да жасырмады.
Ал Макрон болса, әріптесін атысты тоқтатудан бастап, одан кейін қауіпсіздік кепілдіктерін қамтитын бейбіт келісімге қол жеткізуге шақырды. Ол Еуропаның солқылдақ келісім жасалғанын қаламайтынын атап өтті. Кез келген бітімгершілік келісімі, оның айтуынша, «бағалануы, тексерілуі және расталуы» керек.
Алайда екі ел басшылары бейбітшілік келісіміне қол жеткізілгеннен кейін Украина жеріне Еуропаның бітімгершілік күштерін орналастыру керектігі жөніндегі ойлары бір жерден шықты.
«Олар майдан шебінде болмайды. Олар ешбір қақтығыстың бөлігі не айналмайды. Олар бейбітшіліктің сақталуына кепіл болу үшін сонда барады», – деді Макрон.
Трамп Путин сияқты тұжырымдама қабылдайтынын айтты. «Иә, ол мұны қабыл алады. Мен оған бұл сұрақты арнайы қойдым. Ол қарсы емес», – деді Трамп Путиннің бітімгершілік күштерге қатысты ұстанымы туралы.
Макрон – бір ай бұрын билікке оралған Трампқа келген алғашқы еуропалық көшбасшы. Француз президенті өзінің америкалық әріптесімен жүргізген келіссөзін барынша біртұтас қадамға баруға ұмтылудың «бұрылысты мезеті» деп атады.
