Тәжікстанда мемлекеттік төңкеріс жасамақ болғандар сотталды
ДУШАНБЕ. 6 ақпан. Тәжікстанда мемлекеттік төңкеріс жасауға әрекет еткендердің сот жүзіндегі үкімдері шықты. Бұл туралы DV дерегіне сілтеме жасаған rast.kz хабарлайды.
Сотталғандардың арасында бұрынғы шенеуніктер, саясаткерлер мен журналистер бар. Тәжікстанның бұрынғы сыртқы істер министрі Хамрохон Зарифи 27 жылға бас бостандығынан айырылды. Ақпарат, баспасөз және сыртқы саясатты жоспарлау басқармасының бұрынғы бастығы Абдулфайза Атои 17 жылға сотталды. Ал Тәжікстан жоғарғы сотының бұрынғы төрағасы Акбаршо Искандаров 18 жыл өмірін қапаста өткізеді.
Сотталғандар қатарын басқа сала шенеуніктері толықтырады. Тәжікстан демократиялық партиясының бұрынғы лидері, парламенттің экс-депутаты Саидджафар Усмонзода 27 жылға, ал Тәжікстан демократиялық партиясы төрағасының бұрынғы орынбасары Ахмадшох Комилзоданың, Тәжікстан социал-демократиялық партиясы басшысының бұрынғы бірінші орынбасары Шокирджон Хакимовтың және ұлттық қауіпсіздік комиетінің доғарыстағы полковник Нурамин Ганизоданың әрбірі 18 жылдан жазаға тартылды.
