USD
МӘСКЕУ. 31 желтоқсан. Ресей милитаристері Жапониямен және Оңтүстік Кореямен соғыс бола қалған жағдайда оларда нысанаға алатын нысандары тізімін жасап қойыпты. Бұл туралы The Moscow News ақпарына сүйенген rast.kz хабарлайды.
Мұны Financial Times газеті батыстық ақпарат мәнбелері ұсынған 2013-2014 жылдардағы құпия құжаттарға сілтеме жасап жазып отыр. Онда Ресейдің Жапониямен және Оңтүстік Кореямен арада орын алып қалуы ықтимал соғыста өзі нысанаға алатын нысандардың тізімін егжей-тегжейлі түзіп алғандары айтылады. Бұлардың бәрі атом электр станциялары мен азаматтық инфраұқұрылымдардан тұрады.
Басылымның мәліметінше, 29 құпия әскери файлдардан белгілі болғанындай, тізімде жолдар, көпірлер, зауыттар, сондай-ақ командалық пункттер мен әскери базалар сияқты 160 нысан бар. Алғашқы 82 нысанның әскери мәні жоғары. Оларды қарулы күштердің штаб-пәтері, радар қондырғылары, авиабазалар мен теңіз флоттары нысандары құрайды. Азаматтық нысандар тізбесіне туннельдер, энергетикалық инфрақұрылым және өнеркәсіптік зауыттар кіреді. Олардың қатарында жапонның Канмон туннелі мен Кореяның Поханг темір-болат зауыты бар. Энергетикалық инфрақұрылым да негізгі мақсат болып табылады, бұл тізімге 13 нысан енгізілген, соның ішінде Жапонияның Токай қаласындағы ядролық кешендер мен Пусандағы (Оңтүстік Корея) химиялық зауыттар бар.
Құжаттар Х-101 ядролық емес қанатты зымырандарды қолдану туралы мәліметтерді қамтиды. Бір сценарий Ту-160 ауыр бомбалаушы ұшағынан атылған 12 зымыран арқылы Окуширитодағы жапон радар базасына жасалған шабуылды сипаттайды.
