Кореяның қызметінен шеттетілген президенті қамауға алынады
СЕУЛ. 31 желтоқсан. Сеулдің Батыс округтік соты Кореяның биліктен қуылған президенті Юн Сок Ёлді қамауға алу ордерін бекітті. Бұл туралы «Неміс толқыны» (DW) ақпарына сүйенген rast.kz хабарлайды.
Бұған дейін парламент мемлекет басшысын 3 желтоқсан күні елге соғыс жағдайын енгізу жөнінде шешім қабылдағаны үшін биліктен кетірген еді. Енді Сеулдің Батыс округтік соты оны осы әрекеті үшін қамауға алуға ордер берді. Мұны бүгін, сейсенбі, 31 желтоқсан күні тергеу органдары мен жоғары лауазымды шенеуніктер сыбайлас жемқорлық фактілерін тексеру департаментіне сілтеме жасаған Reuters агенттігі баяндады.
Yonhap агенттігінің түсіндіруінше, бұл – елдің конституциялық тарихында іс басындағы президентті қамауға алу туралы ордер шығарылған бірінші оқиға. Ведомствоның мәліметінше, сондай-ақ оның үйін тінтуге де ордер берілген. Жақын арада прокуратура қамауға алу туралы қаулыны орындауға кіріседі деп күтілуде.
