Жаңалықтар жаңғырығыСпорт

Англия чемпионаты коронавируске орай тоқтатылды

ЛОНДОН. 13 наурыз. Англияның футболдан премьер-лигасы коронавирус ахуалына байланысты чемпионатты тоқтатты. Бұл туралы ТАСС хабарлады.

Әзірге біріншілік ойындарының 3 сәуірге дейін тоқтатылатыны белгілі болды.

ТАСС хабарлағандай, ақпарды лиганың баспасөз қызметі таратқан.

Сол сияқты елдегі екінші, үшінші және төртінші дивизиондар мен әйелдер лигасы да осындай жағдайды бастан кешуде.

Бұдан бұрын «Арсеналдың» бас жаттықтырушысы Микель Артета мен «Челсидің» футболшысы Каллум Хадсон-Одоидың коронавирус жұқтырып алғандары анықталды. Ал «Манчестер Ситидің» ойыншысы Бенджамин Менди мен «Лестердің» бірнеше ойыншысы үй жағдайындағы карантинде отыр.

Қазірге дейін Англия чемпионатының премьер-лигасында 29 тур ойналды. Алда тағы 9 тур бар. Турнир кестесінде «Ливерпуль» көш бастап келеді. Ол өзінен кейінгі командадан 26 ұпай алда тұр. Ағылшынның атақты клубтарының бірі 1990 жылдан бері чемпион болып көрген жоқ.

Тағы көрсету

Пікір қалдыру

Ұқсас мақалалар

Back to top button