Режиссер Михалков: Ресейде мемлекеттік төңкеріс дайындалып жатыр

МӘСКЕУ. 23 шілде. Режиссер Никита Михалков Ресейде астыртын мемлекеттік төңкеріс әзірленіп жатқанын мәлімдеді. Бұл туралы «Комсомольская правда» дерегіне сүйенген rast.kz хабарлайды.

Өнер қайраткері мұны өзінің «Бесогон» бағдарламасының эфирінде айтты.

Михалковтың айтуынша, мемлекеттік думаның бұрынғы депутаттары іс басындағы билікке қарсы шыққан және оны тіпті жасырып та жүрген жоқ. Маусым айының ақырында Польшада Ресейдің «жаңа парламентінің» мүшелері бас қосқан, оған 60 адам қатысқан. Михалков студияда құжаттың бөліктерін оқып берді. Онда Ресей билігін тек тақтан тайдыруға болатыны айтылған.

«Мұны осы биліктің бақпанында жүріп, одан керегінің бәрін алған адамдар ұсынып отыр», – деді ол.

Михалков 4 маусымда «қол беруге тұрмайтын мәдениет қайраткерлерінің» тізімі туралы айтқан еді. Оның айтуына қарағанда, бұл топқа елдің территориясынан кетіп қалғандардан да қауіпті адамдар кіріпті.