Украин әскерлері Харькив түбінде жүздеген орыс солдатын қоршады
![](https://rast.kz/wp-content/uploads/vsw-khar-kiv1.jpg)
КИЕВ. 18 маусым. Украина Қарулы күштері РФ армиясының бірнеше жүз жауынгерін қатты құрсауға алып, жан-жақтан соққылап жатыр. Бұл туралы The Moscow News ақпарына сүйенген rast.kz хабарлайды.
«Ресей армиясының 400-ге жуық әскери қызметкері Харькив облысындағы Волочанск қаласында қоршауда қалды», – деп жазды Forbes украин әскерилерінің мәліметтеріне сүйене отырып.
Мәтбұғаттың баяндауынша, бұл оқиға Ресей армиясының екі батальоны Волчанскінің орталығындағы Волчья өзенінің оң жағалауында орналасқан агрегатты химия зауытын басып алу үшін қауырт шабуылға шыққаннан кейін орын алған. Нысанды басып алғаннан кейін ресейлік басқыншылар Волчанскінің оң жағына жарып өту үшін өзеннен өту операциясын бастап кете алар еді.
Алайда тап сол уақытта Украина Қарулы күштері кәсіпорынның батыс жағынан шабуылға шығып, солтүстікке қарай бірнеше махалла жылжып үлгереді. Осылайша украиндар зауыт ауласына кірген оккупанттарды тылдағы жауынгерлері арасын бөліп тастайды. Ресей күштері осыдан кейін бірнеше рет қоршауды бұзып шығуға әрекет етеді, бірақ алға қойған мақсаттарына жете алмайды.
Орыс әскерлерін зауыт ауласына қамап қойған Украина Қарулы күштері сосын МиГ-29 және Су-27 жердемімен кәсіпорынға жоғары дәлдікті америкалық бомбыларды тастай бастайды. Ұдайы жасалған авиасоққылар салдарынан кемінде 30 ресейлік солдат жексенбі күні өз еріктерімен украин қорғаушыларына берілген екен. Қалғандары қазір химия зауытының ішінде отыр.
Ресей армиясы биылғы 10 мамырда Харьков облысына шабуылды бастады. Ондағы мақсаттарының бірі соғысқа дейін 18 мың адам тұрған Волчанск қаласын басып алу болған екен. Алайда әскер санынан 30 мыңнан 50 мыңға дейін жеткізгендерімен РФ армиясы қаланы толық басып ала алған жоқ.