USD
БАНГКОК. 27 мамыр. Таиланд астанасы – Бангкоктағы олимпиялық іріктеу турнирінде қазақстандық Валентина Хальзова өзінің бірінші шайқасын жеңіспен бітірді. Бұл туралы Olimpik.kz ақпарына сүйенген rast.kz хабарлайды.
Турнирде 75 келіге дейінгі салмақта сынға түскен Валентина Хальзова украиналық Каролина Махнодан басым түсті.
Бүгін күндізгі сессияда біздің 60 келіге дейінгі салмақтағы саңлағымыз Римма Волосенко германиялық Мария Фелиситас Гангльбауэрді ұпай санымен ұтты.
Екі жекпе-жек те Қазақстан Бокс федерациясының Instagram-аккаунты арқылы тікелей эфирде көрсетілді.
Бұған дейінгі күндері Назым Қызайбай (50 кг) мен Мұхаммедсабыр Базарбайұлы (63,5 кг) шаршы алаңға шығып, екеуі де қарсыластарын айқын басымдықпен жеңген еді.
