Өзбекстан жылына 20 мың «Фольксваген» көлігін шығарады

ТАШКЕНТ. 4 наурыз. Өзбекстан автомобиль өндірісі өзінің ауқымын кеңейтіп, Германияның «Фольксваген» жеңіл көлігін де шығаратын болып отыр. Бұл туралы CentralAsia хабарлады.

Мұндай жаңалық Өзбекстанның «Узавтосаноат» компаниясы мен Германияның «Фольксваген Груп Рус» компаниясы арасында бүгін қол қойылған келісімнің нәтижесінде мүмкін болғалы тұр.

Келісімшарт бойынша республикада жыл сайын 20 мыңға жуық «Фольксваген» машинасы жасалып шығатын болады.

Жаңа көліктер «Жизақ» еркін экономикалық аймағы шеңберінде «Жизақ автомобиль зауыты» ашық акционерлік қоғамында құрастырылады. Енді зауыт «Volkswagen» концернінің жолаушылар мен жүк тасуға арналған автомобильдерінің бірнеше моделінің жеңіл коммерциялық өнеркәсібін толық қуатында жұмыс жасатуға маманданады.