USD
МӘСКЕУ. 6 наурыз. Ресей президенті болашақтың тамағы жайлы сөз ете отырып, «шетелдік серіктестердің» келешекте «құрттарды жейтінін» айтты. Бұл туралы «Коммерсант» мәтбұғатының ақпарына сүйенген rast.kz хабарлайды.
«Қараңыздаршы, сіздердің арттарыңызда осындай – «болашақтың тамағы» деген табло тұр, – деді РФ диктаторы Владимир Путин. – Біздің шетелде бір жерде серіктестеріміз бар, олар болашақтың тамағы туралы әңгімелегенде, кейбір көбелектер мен құрттар көрсетіледі. Ал сіздерде мұның бәрі кондитерлік өндіріс, нан-тоқаш өнімдері саласында жұмыс істеу арқылы келеді».
Узурпатор мұның жайын Ставропольде ауыл шаруашылығы саласының өкілдерімен кездесу кезінде сөз етті. Сол жерде Путин 90-шы жылдары батыстан келген гуманитарлық көмек Ресейдегі тауар өндірушілерге проблемалар әкелді деп мәлімдеді.
«Кейбір азық-түлік тауарлары бізге шетелдерден гуманитарлық көмек түрінде жіберілді, дегенмен, бұлар өндірушілерімізді тығырыққа тіреп тастады, естеріңізде ме? Жақсы нәрсе, гуманитарлық көмек деген, ол келді елге, бірақ біздің өндірушілеріміз соның кесірінен өз өнімдерін сата алмай қор болды. Екінші жағы бұл жақсы ниет те сияқты», – деп былжырықтады Путин ТАСС тілшісіне берген жауабында.
Президент сонымен қатар Ресейде 90-шы жылдары кеңінен таралған «Буштың аяқтары» (Ресейде АҚШ-тан әкелінген тауықтың аяқтары осылай аталған) мен «Рояль спиртін» еске түсіріп өтті.
