USD
АСТАНА. 19 ақпан. Сот Назарбаевтың күйеу баласы Тимур Құлыбаевқа бағыныстағы серіктестіктің аппеляциялық шағымын қанағаттандырмады. Бұл туралы ҚазТАГ дерегіне құлақ түрген rast.kz хабарлайды.
Сөз болып отырған «Сұйытылған мұнай газын сақтау паркі» жауапкершілігі шектеулі серіктестігі бенефициарларының бірі олигарх Тимур Құлыбаев екен.
Мұның алдында өткен сот процесі серіктестікті «ҚазМұнайГаз» ұлттық компаниясы» акционерлік қоғамына 1,1 млрд теңге берешек етіп шығарған болатын. Содан кейін Құлыбаевтың нөкерлері жоғары инстанциялы сотқа аппеляциялық шағым түсірді.
Алайда сот апелляцияны қараудан бас тартты. Сөйтіп, компания берешегін сотта даулап, кері қайтара алмады.
«Астана соты «Сұйытылған мұнай газын сақтау паркі» ЖШС-нің «ҚазМұнайГаз» АҚ-ға 1,1 теңге млрд берешекті өндіріп алу туралы апелляциялық шағымын қабылдамады». – делінген дүйсенбідегі хабарламада.
«Сұйытылған мұнай газын сақтау паркі» ЖШС-нің «Joint Technologies» ЖШС (Раушан Сағдиеваға және Құлыбаев иелік ететін «Кипрос» компаниясына тиесілі), «Атырау мұнай өңдеу зауыты» ЖШС және «Көксеңгір» ЖШС атты үш құрылтайшысы бар.
