Қазақстанда деструктивті ағымдар топтарын жоюға арналған операция басталды

АСТАНА. 17 ақпан. Қазақстанда деструктивті ағымдардың ұйымдасқан қылмыстық топтарының өкілдерін жою операциясы қолға алынды. Бұл туралы ҚазТАГ ақпарына сілтеме жасаған rast.kz хабарлайды.

Арнайы операцияның басталғанын Ұлттық қауіпсіздік комитетінің баспасөз қызметі баяндады.

«Қазақстанда 17 ақпанда Ұлттық қауіпсіздік комитеті полиция органдарымен бірлесіп және Бас прокуратураның үйлестіруімен деструктивті діни ағымдарды жақтаушылары бар қылмыстық топтардың қызметіне тосқауыл қою операциясын бастады», – делінген  хабарламада.

Операция Ақтөбе, Атырау, Шығыс Қазақстан, Жамбыл, Батыс Қазақстан, Түркістан облыстары мен Шымкент қаласында жүріп жатыр.

ҰҚК алдағы күндері арнайы операция қорытындылары туралы баяндауға уәде берді.