Петербургте әскери комиссариатқа от қойған зейнеткер 10 жылға сотталды
САНКТ-ПЕТЕРБУРГ. 14 ақпан. Санкт-Петербургте әскери комисариатты өртемекші болған 66 жастағы зейнеткер әйел сот жүзінде 10 жыл колонияда отыруға кесілді. Бұл туралы «Новая газета Европа» ақпарына сүйенген rast.kz хабарлайды.
«Санкт-Петербургтегі Бірінші Батыс округтік әскери соты әскери комиссариат ғимаратын өртеуге әрекет жасаған 66 жастағы зейнеткер Жұмагүл Құрбанова 10 жыл колонияда отыру жазасын алды», – делінген қала соттары біріккен баспасөз қызметінің хабарламасында.
Әйел РФ Қылмыстық кодексі 205-бабының 1-бөлігімен сотталды. Ол өзінің мерзімді жазасын жалпы режимдегі колонияда өтейді. Сотталушы Құрбанованың өзі жасаған әрекетін мойындады және оған өкінетінін айтты, сол сияқты келтірген шығынын төледі.
Тергеудің мәліметінше, зейнеткер әйел 2023 жылғы 1 тамызда Санкт-Петербургтің Ағылшын көшесі бойындағы әскери комиссариаттың есігіне от қойған. Содан кейін тапсырыс берушілерге видео арқылы қоңырау шалып, оқиға орнынан кетіп қалған. Прокурордың айтуынша, тапсырыс берушілер осы үшін Құрбановаға 50 мың рубль берген.
Аты-жөніне қарағанда, Жұмагүл Құрбанова қазақ, өзбек, қарақалпақ, ноғай, қырғыз, башқұрт, тәжік ұлттарының бірінің өкілі секілді. Нева жағалауына да кейін балаларының соңынан барған болуы мүмкін.
