USD
АСТАНА. 29 қаңтар. Әділет министрлігі телефонмен қоңырау шалу арқылы жасалатын алаяқтықтың жаңа түрінің шығуына байланысты халыққа ескерту жасады. Бұл туралы Azattyq Ruhy ақпарына сүйенген rast.kz хабарлайды.
«Өздерін әділет органдарының қызметкерлері немесе сот орындаушылары ретінде таныстырып жүрген алаяқтар азаматтарға хабарласып, атқарушылық құжаттардың талаптарын орындауды, банк шоттарын бұғаттау, жүргізуші куәлігін тоқтата тұру және тағы басқа түрлі жолдармен қорқыта отырып, берешектерін өтеуді талап ете бастайды», – деді Әділет министрлігінің өкілдері.
Мұндай қоңыраулар келіп түскен жағдайда атқарушылық іс жүргізудің мемлекеттік автоматтандырылған ақпараттық жүйесінде (https://aisoip.adilet.gov.kz/) немесе АИС ОИП мобильді қосымшасы арқылы атқарушылық іс жүргізудің бар немесе жоқтығына көз жеткізу қажеттігін ескертеді.
«Алаяқтардың заңсыз әрекеттерінің алдын алу үшін министрлік тек ресми дерек көздерінен алынған мәліметтерге ғана сенуді және дербес деректерді үшінші тұлғаларға және күмәнді интернет-ресурстарға бермеуіңізді ескертеді», – делінген хабарламада.
Сонымен қатар, қосымша ақпарат алу үшін министрліктің құқықтық ақпараттық қызметіне (8 7172 58-00-58) нөмірі бойынша хабарласуға болады
