Назарбаев тоқалының меншігіндегі Алматы театры сатылғалы жатыр
АЛМАТЫ. 26 қаңтар. Байырғы президент Нұрсұлтан Назарбаевтың екінші әйелі Әсел Құрманбаеваның меншігіндегі Алматы театры ғимаратының сатылымға шығарылғаны белгілі болды. Бұл туралы «Адырна» дерегіне сүйенген rast.kz хабарлайды.
Театр ғимараты Алматы қаласындағы Әл-Фараби көшесінің бойына орналасқан.
Қазір анықталғанындай, театр өкілі театрды сату туралы ақпаратты растай да, жоққа шығара да алмаған, сонымен қатар нысанды сатуға қатысты сұраққа кімнің жауап бере алатынын да айтпаған.
«Орталық Азия мәдениет пен өнерді қолдау қоры» өнерге деген қызығушылығын жоғалтты. Тіпті, жоспарланған қаржыландыру да тоқтатылған. Соңғы дерек бойынша қазір оларда қатаң тексеру жүріп жатыр. Астанадағы «Шабыт» университетіндегі «жанжалдан» кейін Айман Мұсақожаева ректорлық қызметінен өз еркімен кетті. Одан соң Хореография академиясында аудит жүргізілді, бірақ ши шықпады. Қазір Құрманбаеваның «басқан ізі» тергелуде», – дейді ұлттық порталдың тағы бір мәнбесі.
Қазір Алматы театрының директоры Ерсұлтан Шалбаев деген 25 жастағы жігіт көрінеді.
Ол бұл қызметке 2023 жылы келіп, Диана Заированың орнын басқан. Кейін Заирова мен Құрманбаеваның байланысы бары айғақталды. Мәлім болғанындай, Заирова «Орталық Азия мәдениет пен өнерді қолдау» қорын басқарған. Ал Құрманбаева Заирова негізін қалаған «ATBco» ЖШС-ін басқарған. Тағы бір дерек, «ATBco» клиенттерінің қатарына жоғарыда аталған Астана Хореография академиясы да кіреді.
«Театр «Халық банкінің» меншігіндегі жерге Назарбаевтың күйеу баласы Тимур Құлыбаевтың өзі басқаратын «Базис-А»компаниясының қатысуымен салынған деген болжам бар.
Қызығы сол, Тимур Құлыбаев сметалық құны 10 миллион доллар тұратын театр ғимаратын соңынан Нұрсұлтан Назарбаевқа 50 миллион долларға сатқанға ұқсайды. Демек, бұлардың өзара тікелей қарым-қатынасы арасында да алаяқтық жүре береді екен ғой!
