ISW Ресейде құлаған Ил-76 ұшағына қатысты маңызды фактілерді ашты
УАШИНГТОН. 25 қаңтар. Американың соғысты зерттеу институты (ISW) Белгород облысында атып түсірілген әскери-көлік ұшағының жайына қатысты фактілерді алға тартты. Бұл туралы The Moscow News дерегіне сүйенген rast.kz хабарлайды.
«Борттың құлауын ақпарат кеңістігінің ресейлік ойыншылары пайдаланып қалып жатыр», – деген тұжырым жасады америкалық аналитиктер.
Ресейдің Ил-76 әскери-көлік ұшағы Белгород облысының Яблоново селосының жанындағы егістік алқапқа құлады.
Бұған дейін ресейлік әртүрлі мәнбелер жариялаған геолокациялық кадрларға сілтеме жасаған Американың соғысты зерттеу институты осындай пікірге келді. «Видеодан Ил-76 ұшағының Белгород облысының Яблоново селосында (Белгород қаласының солтүстік-шығысында 50 шақырымға жақын жерде) құлап түскені көрініп тұр», – деп атап өтті институттағылар.
Аналитиктердің мәліметінше, ақпарат кеңістігінің ресейлік ойыншылары борттың апатқа ұшырауын «Украинаның өз ішінде наразылық туғызу және Батысты оған әскери көмек беруді жалғастыру ниетінен айныту» мақсатында пайдаланып қалмақшы болған.
24 қаңтар күні РФ-да көлік ұшағы апатқа ұшырағаны жайлы хабар тарады. Оның Кривое селосы маңына құлағаны айтылды. Ресей қорғаныс министрлігі бірден лайнер бортында украин соғыс тұтқындары болғанын мәлімдеді. Ал Украина тарапы бұл мәліметті растай қойған жоқ.
Кейінірек Украина президенті Володимир Зеленьский ресейліктерді «украин тұтқындарының өмірімен, олардың туған-туыстарының сезіидерімен және біздің қоғамымыздың көңіл күйімен ойнайды» деп айтыптады. Ол Киевтің енді ұшақтың құлау салдарына халықаралық деңгейде тексеру жүргізілуіне күш салатынын баяндады.
