Грузияға барған ресейліктер банктердегі проблемалардан соң елден кете бастады
ТБИЛИСИ. 22 қаңтар. Мобилизациядан қашып, Грузияға барған ресейліктер банктерде шоттарында проблемалар тууына байланысты елден жаппай кетіп жатыр. Бұл туралы The Moscow News ақпарына сүйенген rast.kz хабарлайды.
2023 жылдың қорытындысы бойынша республикаға 1 856 237 Ресей азаматы кірген еді, одан 1 887 223 ресейлік кетті. Грузия ІІМ сайтындағы мәліметтер осылай дейді.
Көшіп келгендер мен кеткендер арасындағы айырмашылық елден кеткендердің пайдасына 30 986 ресейлікті құрайды. Бұл – 2022 жылы Грузияға тұрақты тұруға көшкен релоканттардың таза ағыны. «Украиинадағы соғыстың алғашқы жылы республикаға барлығы 700 мың ресейлік келген еді, бірақ 2023 жылдың қараша айында олардың тек 100 мыңы ғана қалды», – деді Сакартвело (Грузия) президенті Саломе Зурабишвили.
Релоканттардың кетуі Грузия билігінің ресейліктерге жергілікті банктердегі шоттарынан шетел валютасын беруді шектеу туралы шешімін тудыруы мүмкін. Республика Ұлттық Банкі өткен жылдың 1 қыркүйегінен бастап шоттардан валютаның 20 пайыздан астамын алуға тыйым салды.
Соғыс басталғалы бері ресейліктер ақшаны грузин банктеріне аударып келді. Ұлттық банк олардың 2023 жылдың маусым айының басындағы мәлімет бойынша грузин банктерінде шамамен 110 000 шот ашып, оларда 2,42 миллиард лари (шамамен 9 970 миллион) ақша сақтағандарын баяндады. Бұл – басқа кез келген басқа елдің азаматтарының қаржысынан көп. Осы ақшаның және оларды орналастырған адамдардың арқасында Грузияның жалпы ішкі өнімі 2022 жылы 13 пайызға өсті.
Ресейліктерге банк шоттарынан ақша алу қиындықтарынан басқа, шектеулер де бірақз қиындықтар әкелді. 2023 жылдың жазының соңында Грузия парламентіне 2024 жылдың соңына дейін Ресей азаматтарына тұруға рұқсат беруді тоқтата тұру туралы заң жобасы енгізілді. «Еврооптимистер» оппозициялық тобының депутаты Роман Гоциридзе ресейліктердің Грузияға жаппай көшуіне байланысты елде бағалар көтеріліп, республика тұрғындары пәтер сатып алу мен жалға алуда қиындықтарға тап болғанын айтты.
Грузия әділет министрлігінің мәліметі бойынша, 2023 жылдың 1 қаңтарынан 1 желтоқсанына дейін Ресей азаматтары елде 5784 пәтер сатып алған. Бұл көрсеткіш мұның алдындағы жылғы көрсеткіштен жоғары болды.
Суретте: тбилисиліктердің елге ресейліктердің келулеріне қарсылық білдірген митингісінен көрініс
