Байден Путинді ашықтан-ашық қарақшылар құрбашылары қатарына жатқызды
УАШИНГТОН. 19 қараша. АҚШ президенті Джозеф Байден Washington Post газетіне жариялаған мақаласында Владимир Путинді ашық түрде ХАМАС-пен теңестірді. Бұл туралы «Диалог.ua» ақпарына сүйенген rast.kz хабарлайды.
Ақ үйдің қожайыны Американың ең танымал баспасөзінің бірінде жарық көрген жарияланымында РФ диктаторын ХАМАС террорлық ұйымымен бір қатарға қойды.
АҚШ президенті Кремльдің басшысы мен ХАМАС лаңкестік тобырын әлемдегі зұлымдықтың ошағы ретінде атап көрсетті. Ол бұл екеуінің бір-бірлерінен айырымдары жоқ екенін мәлімдеді. Осылай дей келіп, әлемдік қауымдастықтың бұл зұлымдықты тоқтата алатын шамасы бар ма екенін сұрады.
Джо Байден өзінің сөздерімен әлем қауымдастығын нақты қадамдарға барып, ақыл-естен айырылған Путин мен ХАМАС басшыларын жедел ауыздықтауға атсалысуға шақырады.
«Путин де, ХАМАС та көрші демократиялы елдерді карта бетінен жойып жіберу жолында күресіп жатыр. Путин де, ХАМАС та өңірлік тұрақтылық пен интеграцияны мейлінше кең ауқымда бүліншілікке ұшыратып, содан туған тәртіпсіздік ахуалын өз пайдаларына жаратқылары келеді. Америка бұған келісе де, жол бере де алмайды. Біз өзіміздің ұлттық қауіпсіздігіміздің мүддесі мен бүкіл әлемнің игілігі үшін бұған қарсы тұрамыз», – деді Байден.
