Ресейдің футболдан 6 дүркін чемпионы спортшыларды елден кетуге шақырды
МӘСКЕУ. 17 қараша. Ресей құрамасы мен ЦСКА командасының бұрынғы қорғаушысы Василий Березуцкий ресейліктерді спорттық мансаптарын жалғастыру үшін шекара асып кетуді ұсынды. Бұл туралы The Moscow News дерегінен сүйенген rast.kz хабарлайды.
Кезінде Ресейдің алты мәрте чемпионы атанған футболшы на YouTube-арнасында журналист Нобель Арустамянға берген сұхбатында Ресейде спортшылардың дамуына енді ешқандай мүмкіндік жоқ екенін айтты. Сол үшін атлеттер тез елден кетулері керек.
«Ал егер мақсаттары тек ақша табу ғана болса, Ресейде қала берсін», – деп атап көрсетті Березуцкий. Ол мұның футболшыларға ғана емес, барлық спортшыларға қатысты екенін ашып айтты. Тезірек бөтен елге кетіп, сол мемлекеттің намысын қорғайтындай жағдайға жету керек. Демек, РФ азаматтығынан бас тартуға тура келеді.
«Бұл жерде спортшының қай елге барып, қандай жалаудың астында өнер көрсеткені маңызды емес. Өйткені, ол осы кезге дейін өзінің саналы өмірінің 15, 20 жылын спортқа сарп етті. Енді келіп оған «Сен Еуропа турнирлеріне қатыса алмайсың, сен мынаны жасай алмайсың, себебі, Ресей азаматысың» дейді. Сондықтан мүмкіндік болып жатса, қалайда кетіп қалу керек», – деп есептейді бұрынғы футболшы.
Қазір жасы 41-ге келген Василий Березуцкий Ресейдің алты дүркін чемпионы болумен бірге көптеген атақтарға қол жеткізді. Ол – егіздің сыңары. Оны сыңары – Алексей Березуцкий де өзімен бірге ЦСКА-да және құрамада ойнады. Спорттық мансабын аяқтағаннан кейін ЦСКА, «Краснодар» және нидерландтық «Витесс» командаларында жаттықтырушы болды. Қазір Испанияда тұрып жатыр.
Бұдан бұрын Ресей құрамасының бас жаттықтырушысы Валерий Карпин де ресейлік футболшыларды өз деңгейлерін көтеру үшін Ресей премьер-лигасын тастап, шетелге кетіп қалуға шақырған еді.
