USD
КИЕВ. 2 қыркүйек. Украина президенті Володимир Зеленьский Украинада снаряды 700 шақырымдық қашықтықтағы нысанаға дөп тиетін қару ойлап шығарылғанын баян етті. Бұл туралы The Moscow News ақпарына сүйенген rast.kz хабарлайды.
Украина президенті Володимир Зеленьский елде шекарадан 700 шақырым жердегі нысананы қапысыз күйрету қабілеті бар алыс қашықтықты қару талданып жасалып шыққанын әңгімеледі.
«Украина страгетиялық өнеркәсіп министрлігі [Өнеркәсіптің стратегиялық мәселелері жөніндегі министрлік] өз өнімі жайында [баяндады]. Біздің қаруымыздың сәтті қолданылысы: 700 шақырымдағы нысанаға соққы дәл тиді!», – деп жазды Зеленьский өзінің телеграм-каналында үкімет шенеуніктерімен өткізген селекторлық мәжілісінен кейін.
Бірақ ол әңгіме қандай нысана жайлы болып тұрғанын ашып айтқан жоқ, ештеңені тарқатып баяндай қоймады.
Украин шекарасынан 700 шақырым қашық жерде 30 тамыз күні түнде дрондар шабуылдап, әскери-азаматтық аэродромы отқа оранған, кемінде 4 ұшағы қиратылған Псков қаласы тұр.
Бұл жерге РФ қарулы күштерінің 76-шы десант-штурм дивизиясы құрамына кіретін 334-ші әскери-көлік полкы орналасқан. Бұл құрылым Ресей әскерлерінің Украинаға басып кіруіне қатысқан, кейіннен Киев облысындағы Буча қаласында ойрандаушылар қатарында болған.
Украина бұған дейін өзінің батыстық одақтастарынан алыс қашықтыққа атылатын қару беруді бірнеше рет өтінген еді. «Украинаға алысқа баратын ракеталар керек… Біз осы өмірлік маңызы бар қажетті нәрсенің жолын ашып берулері үшін бәрін істейміз, атап айтқанда, ATACMS пен басқа да қарулар керек», – деді Зеленьский қаңтар айында. Кейінірек ол бұл жөніндегі шешімнің тиегі АҚШ екенін атап өтті.
Ұлыбритания мамыр айында Украинаға 250 шақырым жететін Storm Shadow ракеталарын әкеп берді. Содан кейін Франция тап сондай – 250 шақырымдық SCALP ракеталарын табыс етті. Ал АҚШ-тан сұралып отырған ATACMS 300 шақырымдағы нысанаға жетеді. Енді Киев өзі жасап шығарған қару арқылы 700 шақырымдық қашықтағы нысанаға шабуыл жасай алатын жағдайда кенеліп отыр.
