Қалалық жиын басшысы жалақысын азайтуды өтінді

ТАЛЛИН. 24 ақпан. Эстониядағы Нарва-Йыэсуу қаласы жиынының төрағасы өзінің айлық жалақысының мөлшерін азайтуды сұрады. Бұл туралы эстонның delfi.ee сайты хабарлады.

Енді Нарва-Йыэсуу қаласы қалалық жиынының депутаттары 26 ақпанда өтетін отырыста «Ортақ үй» фракциясының атынан түскен өтінішті қарайтын болады.

Әңгіме қалалық жиын төрағасының 2000 еуро (817 120 теңге) мөлшеріндегі жалақысын 1100 еуроға (449 416 теңге) дейін түсіру турасында болып отыр.

Қалалық мәслихат басшысы Арре Объертел мүшесі болып табылатын жиындағы «Ортақ үй» фракциясының жетекшісі Инга Мушкинаның баяндауынша, осылай жасауды төрағаның өзі қалап отырған көрінеді. Ол тағы «KA Vaiko AS» муниципалдық фирмасында жұмыс істей жүріп, қалалық мәслихаттан мұндай көп жалақы алудың әділдікке жатпайтынын айтатынға ұқсайды. Ал Объертел аталған муниципалдық фирмада әкімшілік директорының қызметін атқарады екен.

Мушкина қалалық жиын басшысының жалақысын төмендету жөніндегі шешімнің жобасын барлық депутаттар қолдайтын шығар деп үміттенеді.

Не деген ақша!