USD
КИЕВ. 29 маусым. Кеше, 28 маусым күні кешқұрым Донецк облысының Бахмут қаласы түбіндегі Клещеевка селосында басқыншылардың бір тобы ұрысты тоқтатып, украиндар алдарынан қол көтеріп шықты. Бұл туралы «Бахмутский демон» ақпарына сүйенген rast.kz хабарлайды.
Паблик украин әскерлерінің жолай Путин армиясының бірнеше тірек бекеттерін жойып жіберіп, Клещеевкаға жақындағанын атап өтеді. Сол кезде оккупанттардың бір бөлігі атысты тоқтатып, украиндарға тұтқынға берілуге шешім қабылдайды. Басқыншылардың байланыс құралынсыз қалған екінші бөлігі айналада не болып жатқанынан хабарсыз қалады. Егер олар тұтқынға түсуден бас тартса, түгел «Кобзонның концертін» көруге аттандырылар еді. Сондықтан олар да қол көтеріп шықты…
Украина бас штабындағылар қазір Раздоловка, Железнянск, Берховка, Парасковеевка, Курдюмовка және Клещщеевка түбінде шайқас жүріп жатқанын айтады.
Ресей пабликтері Клещеевка түбінде РФ десантшылары ротасының қоршауда қалғанын мойындады. Олар Авдеевка бағытында Путин армиясының шабуылдарынан нәтиже шықпағанын жазды.
