Украинадағы майданда Ресей сапында соғысқан 34 өзбекстандық опат болды
ТАШКЕНТ. 16 маусым. Украина жеріндегі майдан даласында РФ оккупациялық армиясы құрамында соғысқан 34 өзбекстандық азамат қаза тапты. Бұл туралы gazeta.uz дерегіне сүйенген rast.kz хабарлайды.
«ВВС-тың Орыс қызметі Ресей түрмелерінде жатқан Орталық Азия елдері азаматтарын Украинадағы соғысқа тарту жайындағы тексерістің қорытындысын жариялады. Хабар таратушының мәліметі бойынша, бұлайша соғысқа алынғандардың кем дегенде 93-і, соның ішінде 34 өзбекстандық оққа ұшқан», – делінген хабарламада.
Бұдан бөлек, жоғарыдағы 93-тің 19-ы Қырғызстан, 40-ы Тәжікстан азаматтар екендері айтылады.
«Кейде қаза тапқан жалдамалылардың сүйектері Ресейден олардың өз үйлеріне жіберіліп жатады», – делінген хабарламада.
Би-би-си материалдары соғысқа Ресей түрмелері арқылы тартылып, «Вагнер» жеке әскери компаниясы құрамында тап болған еңбек мигранттарына арналған. Оларда ер кісілері әртүрлі қылмыстық істер бойынша сотталып, Ресей түрмелерінде отырған, сол жақтан соғысқа кетіп, Украина жерінде опат болған қырғызстандық бірнеше отбасының тарихы сөз етіледі.
2022 жылғы қазанда «Газета.uz» Ресейге жұмыс істеуге барған Өзбекстан азаматтарының сол елдің түрмелеріне қалай түсіп қалатыны, сол жерден олардың қалай соғысқа барып жататыны жайлы кеңінен жазған болатын. Осының бәрі мигранттарды мәжбүр ету жолымен жасалады. Сол кездегі мәліметтерге сай, күн сайын Өзбекстанның 10-нан аса азаматына мобилизацияға ұшырау қаупі төніп тұрған екен.
Биылғы жылдың наурыз айында Өзбекстан мемлекеттік қауіпсіздік қызметі Ресей түрмесінде жазасын өтеп жатқан Қарақалпақстанның Элликқала ауданының азаматы Украинадағы соғыста қаза тапқанын хабарлады. Ол РФ басып алған территориядағы құрылыс жұмыстарына жіберілген. Сол жерде снаряд түсуі салдарынан жантәсілім еткен.
Мамыр айында Өзбекстаннның тағы бірі азаматының Украинадағы соғыста опат болғаны жайлы хабар жетті. Ол да түрмеден әкетілген. Алайда орыстар марқұмды еріксіз алып кеткенге ұқсайды…
Еске сала кетейік, Өзбекстанда шет мемлекеттердің әскери қызметтеріне жалданушылық қылмыстық жазаға тартылатын қылмыстар қатарына жатқызылады.
